Ich Hans von Clingenberg Ritter, vergich vnd bekenn offenlich mit disem brief, für mich vnd min erben vor allermeniklichem, daz mir der durchluchtig fürst, min gnediger Herr, Herzog Lüpolt, hertzog ze Österreich etc. vnd der hoch- .geborn min lieber Herr, Graf Eberhart von Miltenberg, ingegeben vnd env pfolhen habent zwen brief, die ich vnd min erben innhaben füllen in getrüwm

— 687 —

Händen, Mit solcher beschaidenhait, wer ob der vorgenant min Herr von Osterreich, oder sin erben den vorgenanten minen Herren von Wirtenberg vnd sin erben nit bezalte des baren gelts, das er Im gelihen hat, vnd In such die Slozz vestinen Stet, dörffer miler, Lut, gut, vürgen vnd brief, nit ledig machte, die er ytzund für In versetzt vnd vervhendet hat, vnd In vnd sin erben, nit ledig machte an allen den Steten, da er angült vnd Selbschuldner ist, nach der Brief Lut vnd sag die darüber gegeben sind, Iva das der egencmt min Herr von Osterreich oder sin erben alles nit teten hie zwischen vnd sand Martins tag, der nv nechst kümvt, So sol ich oder min erben dem vorgenanten minem Herren von Wirtenberg oder sinen erben oder irn gewizzen botten geben vnd antworten den brief, der da besigelt ist mit des obgenanten mins Herren von Osterreich, vnd mit siner Reten Jnsigeln, wer aber ob er oder sin erben dem vorgenanten minem Herren von Wirtenberg oder sinen erben das alles entlediget vnd entloste, vnd si ouch des barm gelts behalte alles nach der brief Lut vnd sag di darüber geben sind, hie zwischen vnd dem nechsten sant Martins tag, So sol ich, oder min erben, den vorgenanten Herren Hai den, oder irn erben, oder im gewizzen botten, ir yetwedenii sinen brief wider gebm, der mit sinem vnd mit siner Reten Jnsigeln besigelt ist, Des alles ze vrchünd, gib ich dem vorgenanten minem Herren von Osterreich vnd sinen erben, für mich vnd all min erden vnd nachkamen, dism hrief besigelten mit minem aigen Jnsigel, der geben ward ze Schafhusen an frntag nach vnser srawn tag ze Liechtmezz, nach krifts geburt, Drmzehenhundert iar, darnach in dem vier vnd achtzigistem Jare.

V. d. Orig. im k. k. geheimen Haus- Hof- und Staatsarchiv zu Wien.