Ich Hauman von luvffen Probst keller vnd Pfleger vnser lieben frowen jn der Richen Ow. Tun kunt aller menglich das für mich komen ist vnser lieber Ohaim Grauf Rudolf von Hohenberg an Stat vnd in namen der Herschaft von Osterrich vnd batt mich ernstlich das ich den be- schaiden wern den Boching von Grürn der bisher ain zinser gewesen ist an vnser frowen altär vnd buw des gotzhus jn der Richen Ow luterlich durch got gebi dem Erwirdigen Closter vnd den frowen von kirchperg Prediger ordens, won er ouch nn der Herschaft statt vnd ouch von der vogti wegen jn da hin lediklich geben hett. der bat Hab ich jn gewert, won si mich vnd vnßerm gotzhus nutzlich vnd trostlich dunkt vnd ouch besonder, das der obgenante wern Boching durch siner sei hail willen by lebendem lib sinen val vnd gelaß an vnßer frowen buw an barem gelt geben haut vnd dawmb das derselb wern Boching dem vor genanten Closter von kirchverg nun hinan hin ewiklich dienstbar sige vnd mit lib vnd gut zu gehöre. So sag ich jn quit ledig vnd los für mich vnd all min nauchkomen mit urkund dieß briefs vnd enzich mich aller ansprach vnd rechtung an jm, so ich oder min nauchkomen an jm immer mer gehaben möchten, es sige mit dem rechten alder on das recht Vnd dez ze wärem vrkund hän ich vorgenan ter Hanman von luvffen probst min «igen Jnsigel gehenckt an disen brief der geben ist Rauch Cristus geburt viertzehnhundert vnd in den: fünften jar an sant Hylarien tag.

'Kirchberger Copial-Buch ?ol. 145.