Ich Hermanli von Ow von Diessen vergih offenlich für mich vnd min erben mit disem brief das ich reht vnd redlich verkouft vnd ze kouffend geben hän Her Hermann von ow Cometur des Hus ze Hemmendorff vnd dem Couent gemainlich des selben Hus sunt Johans ordens vnd allen iren nachkamen an ir selgrät übertisch fünf iuchart akers mit aller zugehörd die gelegen fint uf bossenhusen (sie!) die vier by dem brunnen vnd buwet Haintz Hess der alt, vnd die ain stosset an ölrichen brandlin die buwet der krömel, da vor nütz uß gät den der zenhend vnd ist der kouff beschenhen vmb sehs pfunt guter Haller die ich gentzlich von Inen gewerot vnd bezalt bin vnd darnmb so sol ich oder min erben In oder iren nachkamen die egenanten äker mit aller zugehörd als vorgesagt ist, verstan vertigen vnd versprechen für «in reht fry «igen gen allermenglichen wen oder wie dick sie des notdürftig wärin oder würdin nach landes reht das sie dar an habend sigind an iren schaden, vnd verzih such mich für mich vnd min erben gen In vnd gen iren nachkamen aller der reht vordrungen vnd ansprach so ich vntz her oder fürs zu den egenanten akern gehebt hän oder fürs dar zu geha ben sus oder so Vnd dez zu ainem waren vrkund, so hän ich min aigen Jnsigel offenlich gehenkt an disen brief darzü han ich gebetten Markarten von ow von Hürningen Her markartz säligen sun vnd Markarten von ow den eltern von stöffenberg das sie irü aigni Jnsigel ze zugnust aller vorgesagten ding In selben än schaden ouch offenlich händ gehenkt an disen brief Der geben ist an dem nahsten Dünstag vor sant Jacobs nach Cristi geburt Drüzehenhundert Jär vnd in dem fünf vnd ahtzigosten Jar.

B. d. Orig. im St.>Archiv zu Stuttgart. — Die Siegel sind abgefallen.