Wir der Schulthais der Rät vnd die ganz gemain von Baiden Stetten ze Haigerloch, verienhen vnd rügen kunt für vns vnser erben vnd all vnser nachkamen^ Als der durlühtig fürst vnser Lieber gnädiger herre Herzog Leupolt von Osterich mit dem molgebornen graf Rudolfen von Hohem- berg «ch vnserm Lieben gnädigen Herren yezund ainer täding über ain komm ist, vnd im das Land vnd die Herschaft ze Hohemberg, zü sinen Leptagen wider Jn- geantmürt hät in der masse als die brief sagend die darumb gegeben sind, Also haben wir gelobt vnd verhaissen geloben vnd verhaissen och by dem Aid so mir darumb zü den Hailigen gesworn haben, das mir den egenanten vnsern gnadigen Herren von Osterich vnd sin erben zü ainem rehten Herren vfgenomen vnd empfan gen haben niemen vnd empfahen vch wissenklich mit disem brief Inen vnd allen iren erben Nu fürbazzer nach der egenanten täding brief sag mit den obgenanten stetten ze Haigerloch vnd mit vns selb ze dienen ze warten getrw vnd gehorsam ze sin in all weg, alz vnseren rehten Herrschaft Vnd das wir «ch nu fürbazzer mit niemant kam puntnüß oder endrung tun füllen oder off niemen wellen in de Hainen weg, wider sy vnd an ir wissen vnd willen vngefarlich Vnd dez allez zü ainem marem vrkünd so haben wir vnser Stet gemain Jnsigel offenlichen gehenkt an disen brief. Der geben ist ze Rotenburg der stat an dem Necker an sam stag dem nähsten vor des Hailigen Crüz tag Am herbst nach cristi gebürt Drüze- henhundert Jär vnd vier vnd achtzig Järe.

V. d. Orig. im k. k. geh. Haus- Hof- und StaatS-Archiv zu Wien.

— 7t0 —