Wir Grave Eberhart von Miltenberg vergehen offenlich mit disem Brief vor aller menglich Wäre ob cz dar zö keme daz vnz der halbe tail an der Her schaft ze Hohenberg verzikte vnd verfiele von dem dvrchlvhtigen vnßerm lieben Herren Herr Livppolt von Götz gnaden Hertzogen ze Oesterich ze Stvr ze kernden vnd ze krain Grave ze Tyerol etc. nach der brief lvt vnd sag die mir von im haben alz balde daz beschiht So füllen wir vnd vnßer erben dem vorgenanten vnßerm Herren von Osterrich rihten vnd an sin stat stän vnd in vssheben vnd entledigen vmb siben tusent guldin guter vnd gerehter an die gelt- schvlde die er schvldig ist zö sinem tail von dez kvffes wegen der Herschast ze Hohenberg vnd sollen daz tun in dem nehsten mönod ane verziehen nach dem alz vns daz verzikte vnd verfiele vnd svllen daz tun än allen sinen vnd siner erben schaden än all geverde. mir vergihen och daz wir noch vnßer erben noch nieman anders von vnßern wegen zö der Vorgenanten Herschaft Hohenberg kam gewaltsami hän svllen alle die wile der Edel vnßer lieber Ohen Graf Rudolf von Hohenberg levt, Ez wäre denn mit gunst vnd gutem willen dez obgenanten vnßers lieben Herrn von Osterrich vnd dez vorgenanten Grave Rudolfs, Als och der vorgenant vnßer Herre Hertzog Livppolt gefriet hat Rotenburg die Stat Etwievil Jar daz ir brief sagend daz sol vnd ist vnßer gut wille vnd svllen vnd wellen si och bi den selben ffrihaiten län beliben än all geverde. Och ist vnßer gut wille vnd gvnst alz div Edel vnßer liebv Möme ffrome Dte von Tokenbvrg dez Egenanten Grave Rödolfs Elichv wirtin bewiset ist Ir Heinstvr vnd morgengabe zchen tusent guldin vff nütze alz vil ir denne beschaiden ist daran svllen wir noch vnßer erben Si nit irren noch svmen alle die wile wir daz von ir

nit Erlöset haben nach ir brief sag. Menne och der vorgenant Grave Rudolf von Hohenberg, von tode abgat So sien wir vnd vnser erben So sim wir vnd vnßer erben (sie!) Haft vnd schvldig der Edeln vnßer lieben Mömen from Mar gareten Markgrave Bernhartz von Baden Elicher Hvsfromen daz halb- tail an den dritzehen tusent guldine die man ir denne geben sol vff div zil alz daz vnßer Herre von Osterrich vor vertedingt hat vnd verbriefet daz wir si nach der selben brief lvt vnd sage bezalen vnd vzzrihten füllen än geverd vnd roa si der hin bewiset wirt vff nütze daz ist och vnßer gut wille vnd füllen mir noch vnßer erben noch nieman von vnßern wegen Si dar an nit irren noch svmen Och sol man richten vnd geben der ietzgenanten vnßer mümen der MarkGrevine Siben tvsent Guldin vff sant Martins tag der ze nehst kvmt, wäre denne ob vns der halbe tail verzikt vnd verfiele So sollen wir daz halbe tail dez würde vierdhalp tusent, guldin och bezalen vnd rihten alz daz vor vnßer Herre von Osterrich ver brieft vnd vertedingt hat Ist och daz vns div Herschaft verzikt alz vorgeschriben stat So söllen wir die Sehstusent guldin Halbe rihten vnd geben die dem ob- genanten Grave Rudolf von Hohenberg verhaisscn sint ze geben uff sant Martins tag der nehst kvmt vnd dez ze vrkund So geben wir dein vorgenanten vnßerm Herren von Osterrich vnd sinen erben disen brief besigelten mit vnßerm aygen insigel der brief wart gebew an Sant katherin tag der Heiligen Jvnkffrowen dez jares do man zalt nach Cristz gebörte drivtzehenhundert jar dar nach in dein dritten vnd achtzigosten jare.

V. d. Orig. im St.-Archiv zu Stuttgart. — Mit dem sehr gut erhaltenen Siegel des Grafen v. W. Links geneigter Schild mit den 3 Hirschhörnern; auf dem rechten Eck der geschlossene Hclm mit dem Jagdhorn und abstotterndem gegittertem Tuch.