Wir Graf Rudolf von Hohemberg Tun kunt für vns und vnser erben. Als der durluchtig fürst vnßer lieber Herr Hertzog Leupolt, Hertzog ze öster lich etc. vnser Mitgült worden ist, vnd sich mit vns verschriben hat von der schuld wegen, die mir schuldig sein und darumb phender stent, vnd von des gelts wegen darumb wir yetzund phender setzen oder brief vnd Bürgen geben. Also geloben vnd verhaissen mir by guten trewn daz wir dieselben sach, vhantschaft vnd gült, also handelln vertigen vnd volfürn welln vnd sülln, als das von vns baiden verschriben ist, vnd sunderlich in solcher mass, daz derselb vnser Herr von vnsern wegen bey seinen lebtagen des zu dhainem schaden kome an generde. wir sülln auch das gelt darumb wir also versetzen an vnser egenant schuld geben vnd ge- uallen lassen, vngeuarlich, Geschech auch, daz wir von der vorgenanten schuld wegen fürbasß kam endrung tun müsten, vnd aber lenger bestellen motten, darzu sol vns der egenant vnser Herr von österrich vnd sein erben beholffen sein vnd das mit iren briefen bestetten, anch in solcher mass, daz wir versehen, daz Si denn aber, bey vnsern lebtegen, des zu dhainem schaden komen als vorgeschriben stet. Tetten wir des nicht, So habent Si, vnd ir Helffer vollen gemalt vns vnd die vnßern darumb anzegriffen mit vnßerm gütlichen willen, als lang vnd als verr vntz daz wir Si von den vorgenanten schulden vnd scheden gentzlich ledigen vnd lösen vnd sol vns auch dauor nichts schirmen, das yemant erdenken möcht an geuerd mit vrkunt ditz briefs. Geben ze Rotemburg am Netter, an Zinstag vor fand Martins tag Nach krists gepurd, Drewzehenhundert iar, darnach in dem vir vnd Achtzig sten iare.

B. d. Orig. im St.»Archiv zu Stuttgart. — Mit dem bekannten kleinen Siegel des Grafen Rudolf.