In nomine sancte et indiuidue trinitalis, Amen. Barnim, dei gratia dux Slauorum, omnibus in perpetuum. Progenitorum nostrorum, illustrium Slauie ducum, in reli- giosorum fundatione locorum [exemplo] inhererc cupientes, ecclesiam dei per diuine laudis propagationem tarn in personis religiosis, quam in secularibus contendimus pro nostro tempore abundantius ampliare. Sane notum esse volumus tarn presen- tibus, quam posteris, quod nos pro remissione nostrorum peccaminum, ad eterni regis misericordiam facilius impetrandam, monasterium sanctimonialium Cysterciensis ordinis ad honorem dei omnipotentis omniumque sanctorum eius et specialiter matris diue Marie virginis gloriose apud riuulum sancte Marie in terra nostra Star gard situm fundauimus, in quo eedem sanctimoniales sub disciplina monastica diui- nis vacent laudibus et pro nostris nostrorumque progenitorum sceleribus dominum

■ interpellent. Vt autem dicte deo dicale sanctimoniales ibidem absque defectu rerura temporalium libere diuinis Iaudibus insudare valeant, contulimus et donauimus sex- centos mansos eisdem ac monasterio earum ibidem in terra Slargard sitos, cum omnibus suis attinentiis, videlicet siluis, nemoribus, pascuis, pratis, aquis, riuis, stagnis, piscationibus, vsuagiis, agris cultis et incultis, proprietatis titulo perpetuis temporibus possidendos. Contulimus insuper eisdem sanctimonialibus ac monasterio earum et donavimus proprietatem quingentorum mansorum, quos fideles nostri eidem monasterio conlulerunt, quorum nomina cum certo mansorum numero pre- senti scripto duximus imponenda: Fredericus de Osten miles dictus de Woldenborch dedit XL mansos, Philippus armiger L, Bolte dictus Block armiger CC, Hinricus dictus de Jerichow armiger LX, Burchardus et Ludewicus fratres dicti Regedantz C et L mansos, ibidem in terra Stargard sitos, dederunt, simililer cum omnibus suis attinentiis, videlicet siluis, nemoribus, pratis, pascuis, aquis, riuis, stagnis, pis cationibus vsuagiis, agris cultis et incultis, vt predictum est, contulerunt. Cum autem predictorum quingentorum eis donaremus proprietatem mansorum, contulimus ipsis in testimonium ac monasterio earum vnam vrnam mellis in moneta ciuitatis nostre Pyritz annis singulis perpetuis temporibus percipiendam: hanc inquam vrnam mellis eis donauimus in testimonium donationis predicle. Sed ne ignoretur, quo vel quantum se extendant omnes mansi superius scripti, hec est manifesta et ex- pressa distinctio terminorum et limilum eorundem. A stagno enim Vichow est initium ipsorum et procedunt vsque in stagnum Staritz, a stagno Starilz vsque in stagnum Lubelin, a stagno Lubelin vsque in stagnum Scenne, deinde a stagno Scenne vsque in stagnum Tützke, quo Ina fluuius profluit, a stagno Tützke vsque in stagnum Wreche, a stagno Wreche vsque in stagnum Virchutitz, a stagno Vir- chutitz, vsque in stagnum Meine magnum, a stagno Meine magno vsque in stagnum Studenitz, a stagno Studenitz vsque in stagnum Netzube, a stagno Netzube vsque in stagnum Wochenitz, a stagno Wochenitz vsque in siluam Meduat, a silua Meduat vsque in fluuium Gribenitz, a fluuio Gribenitz vsque in paludem Mosbrock et ab illa palude vsque in stagnum Vichow, quod superius primo scriptum est. Hec autem stagna omnia predicta, que circumeunt et circumdant mille et centum mansos pre- dictos, contulimus et donauimus sepedictis sanctimonialibus cum ambobus eorum littoribus et libera piscatione in ipsis omnibusque aliis vtilitatibus proprietatis titulo perpetuis temporibus possidenda, excepta duntaxat stagno Netzube, cuius medietas est tantum monasterii supradicti. Pacique et quieti personarum ibidem deo famu- lantium prouidere cupientes in presenti et in futuro, perpetua eis libertate donauimus

et contulimus, vt homines ipsarum et coloni, qui predictos mansos inhabitauerint et coluerint, sint liberi et exempti ab omnibus seruiciis et exactionibus nostrorum aduocatorum, bedellorum aliorumque quorumlibet officiatorum nostrorum, nolli quicquam seruicii rustici vel vrbani debentes preterquam sanctimonialibus supradic- tis, excepta duntaxat terre nostre communi necessitate, ad quam ipsos esse volumus obligatos. Insuper bona sanctimonialium predictarum per totum dominium nostrum, quocunque deducta fuerint, et colonorum seu hominum eorundem a solutione theo- lonei cuiuslibet decernimus libera et soluta. Preterea contulimus et donauimus sepedictis santimonialibus et monasterio earum iurisdictionem et potestalem iudicandi in bonis predictis per aduocatos proprios et scultetos omnes causas maiores et minores, tarn causas sanguinis, que se extendunt in Collum et in manum, quam alias, irrequisitis et inconsultis aduocatis et aliis iudicibus nostris, nisi ad hoc eos duxerint specialiter inuitandos. In quorum omnium stabile firmamentum contulimus et donauimus dicti monasterii prouisoribus, preposito, priorissis, institutis et pro tempore instituendis, predicta bona possidendi et retinendi nomine nostro et heredum nostrorum, vendendi eciam et commutandi absque preiudicio et damno nostro ac terre nostre, pro sue libitu voluntatis [potestatem], dum tarnen ex huiusmodi ven- ditione vel commutatione ipsi monasterio non damnum, sed potius profectus et maior vtilitas acquiratur. Testes huius nostre donationis sunt: fffj£ODortCU0 et ÜLttpoIOuS dicti IfcrinßC, Conradus marscalcus, Theodoricus de Leine, Hinricus de Mortzin, Wilhelmus de Horst, Arnoldus monetarius, fideles nostri, et alii quam plures fide digni, quorum hic nomina non sunt subscripta. Vt autem hec nostra donatio in omnibus et singulis firma et inconuulsa perpetuis temporibus per- seueret, presentem paginam inde confectam eisdem sanctimonialibus dari iussiraus nostri sigilli munimine roboratam. Datum Pyritz, anno domini GB°. CC°. XLVIII0, quarto nonas Nouembris.

Nach der Abschrift der Matrikel des Klosters Marienfliesz gedruckt in Kosegarten Codex Pomer. I, Nr. 398, S. 817 flgd, und v. Dreger Codex Pomer. I, Nr. 187, S. 280 flgd. — In Dreger ist Lippoldus gedruckt, während die Abschrift der Matrikel Lupoldus liest. — Vgl. Urk. Tom Not. 1248.

- 31 -#