Alle den ghenen, de dessen breef seen vnde hören, den wünsche we lant- sworne van Vemmern eweghen heyl an Gode. Vnde bekennet in dessen ieghen- wardeghen scrift openbare to betugende, dat we ghehort vnde seen hebbet vses heren bref, greue Johannes, de des bekent openbare an sineme breue, dat he mit beradeneme mode hebbe ghesettet sineme leuen riddere, har Johan van Walstorpe, vor twehundert mark lubischer penninghe twelf mark gheldes optoboren van ses i:.i. It. 84

houen in deme dorpe to Nygghen Gellendestorpe, vnde achte mark gheldes optho- borene van ver houen in deme dorpe tho Tzarthenderpe de gheleghen sint mit vns in deme lande tho Vemeren. Dit vorbenomede gut heft de selue har Johan van Walstorpe mit siner gansen volbort voort ghesettet vor twehundert mark der vor- sprokene penninghe den erbaren luden, Vicken, Hinseken, Emeken, de brodere ghe- numet sent van Oldenborch, borgheren tho Lubeke, vn eren rechten erfnamen. vnde heft id en opghelaten vor eme vnde heft se darin weldeghet, also dat se vnde eren rechten erfnamen des seluen godes scholen bruken mit al deme rechte vnde mit al der nuth, also it gheleghen is, ane ienegherhande hinder edder wedder- sprake, also langhe bet he edder sin nakomelinghe dat vorbenomede ghud losen van en vor twehundert mark der vorsprokenen penninghe ganlzeliken, in der stat to Lubeke tho beredende vnbewôren. Vnde wanne de penninghe en edder eren erfnamen bereed sin, so schal dat vorbenomede ghûd wedder wesen syn edder sinen nakomelinghen vry, also id ere was. Tho ener openbaren bethughinge alle desser vorsprokenen stucke hebbe wy vse ingheseghel henghet thû desser scryft. Dit is ghescheen vnde screuen na Godes bort drutteynhundert jar in deme veertheghesten jare, des neghesten Sonnauendes na sunte Andreas daghe.

Xach einem auf der Trese befindlichen undatirten Transsumpte des Bischofs Bertram von Lübeck,

welcher zugleich Л:о. 749. enthalt.