о

Alle den ghenen, de desse yeghenwardighen schritt seen edder hören, enbede || ik Johan Meynerstorpe en ridder ewighen heyl in Ghode. Jk bekenne vnde|| bethiighe openbare in dessern breue, dath al twedracht vnde schelinghe, de II van myner eghenen weghene vnde van myner knechte weghene, beschedeliken Volquen vnde Dethlef brodere gheheten van Kotele, de ghewundet worden vor Odessloo van den knapen der stad to Lubeke, ghewesen heft twischen den erbaren vnde den beschedenen mannen, den raatmannen vnde der menheyt der vorbenomeden stad tho Lubeke, af ene syd, vnde my vnde mynen vrvnden af ander syd yenigherleye wys bit an desse tyd, is ghansleken ghevleghen, lyket vnde soneth vnde altomale, also dat ik vnde myne vrunt vnde alle, de dor mynen willen don edder laten willen, schallen vnde willen de vorbenomeden ratman vnde ere bórghere nicht hinderen, mer eren vnde vorderen, wor wy moghen. Thu ener openbaren bethughinghe desser stûkke is myn ingheseghel hengheth tho dessem breue. Dith is ghescheen vnde desse bref is ghegheuen thû Lubeke, na Ghodes borth drûtteynhvnderd yar in dem vifvndeverteghesten yare, in svnte Barbaren daghe.

ЛаеЛ dem Originale, auf der Trese, mit wohl erhaltenem Siegel.