VY y Johan, Hinrik, Clawes vnd Gherd greuen || to Holtzsten vnd Stornieren. Bekennen vnd tûghen vnd doeri withlik openbare in desseme ieghenwardighen breue allen luden, dat wy mit samender hand vnd in truwen gheloued hebben vnd schul- dich sin den orbaren beschedenen mannen, hern Sifride van der Brugge hern Hin- rike Papen, hern Bertramme Heydeby vnd hern Thidemanne van Gustrowe rad mannen, deme ganzen rade vnd der stad to Lubeke to der hand, van doetslaghes weghene Lubbertes van Warendorpe vnd Ghereken Polen, borghere to Lubeke den God gnedich si, seuenhunderd mark lubescher penninghe, de wy en betalen scholen in reden penninghen binnen der stad to Lubeke nv to sunte Jacobes daghe neghest to körnende vort ouer eyn iar sunder allerleye togheringhe vnd ane alle wedersprekend vnd twiuel ofte hinder. Dede wi des nicht, so scole wy also vert aise twe van vns veren vorbenomed, riden in de stad to Lubeke vnd dar binnen bliuen vnd inne liggen vnd dar nicht vt komen, it en si dat we dat vorbenemde gheld, also hir voie bescreuen is, en ganzlikeii betaled hebben, ofte it en si by éreme willen. Vollmer to eyner steden vulkomenheyd desses vorbenomeden vses louedes vnd desser schuld vorbenomed hebbe wy deme edelen manne hern Alberte heren van Mekelenborch vnd sinen mannen, hern Godscalke Storme ridder vnd Hinrike van Bulouwe knapen, gheloued in trûwen mit sameder hand, den vor benomeden radmannen vnd den ganzen rade vnd der stad to Lubeke to der hand also hir vore bescreuen is, stede vnd vast to holdende. Vnd des to eyner openbaren betughinghe hebbe wy dessen bref mit vser aller verer ingheseghele besegheld laten. Ghegheuen to Lubeke, na Godes bord dusend drehunderd in deme sesten vnd vertighesten jare, des lesten Sunauendes vor sunte Wolborghe daghe.

Vae* einem auf der Trete befindlichen f'irlimut dee Erzbitehofs Fromold von Riga vom 7. September 13вЗ (Profesto Nat. Mar.J, mit anhangendem Siegel destelben.

Bd. II. 99