BXIV.

Waldemarus dei gracia dux jucie. Omnibus presens scriptum cernenti- bus in domino salutem. Scire volumus vniuersos, || quod nos honestis viris, consulibus, ciuibus ac mercatoribus lybicensibus, nobis predilectis, et eorum nunciis vniuersis, || per quoscumque nostri ducatus terminos in flandriam aut alias ire volentibus, ad quaslibet prouincias, cum rebus || et mercimoniis suis quibuscumque, eundj pariter et redeundj, quocienscumque ipsis placuerit, tam per aquas quam per terras, sub securo conductu liberam concedimus potestatem. Volentes firmiter ac bona fide promittentes, quod nos pro bonis et rebus eorundem, sine omni diminucione integraliter restituendis, a quibuscumque iniuriatoribus, tamquam pro nostris propriis bonis vel rebus seu nostrorum mercatorum, Si que, quod absit, antedicti ciues vel sui nuncii infra limites nostri dominii propter casus infrascriptos, videlicet spolium vel rapinam, amiserint, fideliter laborabimus viribus et effectu. Et quoniam nos, sicut alii progenitores nostri, ad ipsos dilectionis constanciam gerimus specialem, ipsorum honori et profectui in singulis intendentes, volumus, ut si quisquam de dicta ciuitate casu minus premeditato accedente naufragium , pertulerit infra ipsos terminos nostri dominij, bona et res, que vel quas per se vel per alios qualescumque saluauerit, libere possideat et quiete, nullo inpedimento a nobis vel a nostris penitus obsistente. Hec enim libertas ipsis ciuibus a corona regni et nostris progenitoribus graciosius est collata. In cuius rei testimonium eisdem patentes litteras contulimus, sigillo nostro roboratas. Datum Sleswik,

59*

468 1287. Jul. 5i.

anno domini IVICfiLXXX^ septimo, in festo beatj Germani confessoris, Presentibus domino sleswicensi (episcopo) ac consiliariis nostris melioribus.

Kaeh dem Originale, anf der Trese, mit anhdngendem Siegel.