CCCLI.

Viris honorandis ac discretis, plurimum sibi dilectis, . . Dominis omni laude dignis, . . Aduocato, || Consilio ac Vniuersitati ciuium Lubicensium, . . Judices, Scabini ac commune Ciuitatis Mojjnasteriensis fidelis seruitii quantum poterunt et honoris. Cum Rabodo, quondam vester conciuis [| bone memorie, in bonis suis, que dominus Albertus crigelant et dominus Hermannus stille et Gerardus, guber- natoris nepos, sub se habent, Rabodokoni, domini Hillebrandi de Winerhorst, quondam conciuis nostri, filio, XII marcas per X solidos computatas, ipsiquoque domino Hillebrando ac reliquis pueris ipsius, videlicet Dayen et Thynen, residuum bonorum legauerit eorumdem: vestre discretionis petimus attentius honestatem, quatenus eadem bona domino Cusin, nostro conciui, presencium portitori, ad domine Renten, eiusdem domini Hillebrandi quondam legitime uxoris, ac puerorum suorum prefatorum manus procuretis,. nostrarum precum intuitu, presentari, ad nos et ad has nostras litteras firmum respectum habituri, quod eorumdem bonorum erogatores ab ipsis bonis manebunt liberi deinceps et soluti. Datum anno domini M CC Septuagesimo quarto, ipso die Inuencionis beati Stephani.