DCXXIX.

Adolfus dei gracia Romanorum Rex semper Augustus. Prudentibus viris . . Consulibus et vniuersitati Ciuium || Lubicensium, fidelibus suis dilectis, graciara suam et omne bonum. Admirari compeUimur vehementer, quo metu, || ad nostre Regie maiestatis vocati presenciam, coram nobis comparere minime curauistis,

1) „Corain" Ut wohl cin falsclies Einscliicbscl.

2) Hier fchleu offenbar cinige Worte.

1295. Jan. 9. 569

licet plerumque omnes || Principes, Comites, Nobiles et barones, nec non Ciuitatum aliarum quarumlibet meliores Terrarum Saxonie, Misnensis et Thuringie ad nostre uocacionis edictum suam nobis exhibuerint presenciam personalem. Ex quo, cum contra vos grauem concepissemus indignacionis materiam et rancorem, Illustris Otto, Marchio Brandemburgensis, filius quondam Johannis Marchionis Brandem- burgensis, princeps noster karissimus, pretendens multa per vos sibi exhibita seruicia graciosa, ab huiusmodi indignacionis materia nos auertit, Nostram celsitu- dinem summo studio deprecans et exhorans, quatenus annuere dignaremur, vt sua interposicione vos nostre et sacri Imperii conformaret gracie et fauori. Nos igitur, eiusdem principis nostri precibus inclinati, suis votis annuimus in hac parte, eidem- que quantum ad vniuersa et singula negocia, que vobiscum habemus tractanda, in solidum commisimus vices nostras; vobis sub obtentu gracie nostre precise man- dantes, quatenus ante festum purificacionis beate virginis proximum, quod nunc instat, per vestre Ciuitatis maiores, meliores et magis ydoneos, quos ad hoc duxeritis eligendos, pleno mandato suffultos, prefato principi nostro in Primzlauia occurratis, audituri negocia, que idem nostro nomine vobis duxerit proponenda, et eadem iuxta suam requisicionem per omnia completuri, sicut nostram grauem indignacionis offensam volueritis euitare. Quicquid autem idem Princeps noster nostro tractauerit nomine seu ordinauerit, id gratum et ratum habebit nostra Regia celsitudo. Presencium testimonio litterarum, nostre maiestatis sigillo robore muni- tarum, Datum apud Mulhusen, Y Idus Januarij, Indictione VIII, anno domini Millesimo Ducentesinio Nonagesimo Quinto, Regni vero nostri anno Tercio. Pro certo tenentes, quod si mandatis nostris non parueritis in premissis, contemptum vestrum, prout sentencia Curie nostre dictauerit, prosequemur. Datum ut supra.

IVach der Urschrift, auf der Trese.