DCCXXV.

Nos Johannes, marquardus et Gherlacus, fratres de gotmolte, Protestamur presentibus, nos racionabiliter vendidisse monialibus et conuentui beati Johannis ewangeliste in Lubeke medietatem villarum wuluestorpe, beyendorpe et blankense cum omni jure, proprietate, libertate, prouentibus, attinencijs omnibus in terminorum distinctionibus et condicionibus singulis, prout nobis et nostris progenitoribus hacte- nus pertinebat. Que videlicet bona nos cum nostris patruelibus et omnibus, ad quos pertinet resignacio, ipsis coram domino pheodi tenebimur resignare, et si ipsa bona in terminorum distinctionibus, aut quocumque alio modo, fuerint a quo- cumque, volente stare juri, inbrigata, ea infra annum et diem debemus extricare penitus in amicicia vel in jure. Super istis firmiter seruandis una nobiscum, data fide, promiserunt domini: Hermannus longus de tralowe, Johannes de ratmerstorpe, Otto de bockwolte, Detleuus de bockwolte, Detleuus parkentyn, holtste dictus; milites: Gerlacus et Marquardus fratres de golmolte et gerlacus duuense: Vt, si obstaculum aliquod in premissis pacientur, nos omnes lubeke, Sed Gerlacus et Marquardus fratres pretacti plone intrare tenebimur ad iacendum, non exituri, nisi seruentur et consumentur omnia, que in hac pagina continentur. In cuius rei testimonium sigilla nostra et compromissorum nostrorum presentibus sunt appensa. Datum anno domini MCCC\ in die beati Mathei apostoli et ewangeliste.

1300. Oct. 9.