CCCXVII.

Ic coning ieretslawe, coning Jeretslawen sone, Hebbe geprouet mit dheme Borchgreuen paucen, mit dheme Hertojjgen heren ratibore, vnde mit dhen Older- mannen, vnde mit al dhen nogarderen, vnde mit dheme dhutschen boden, Henrike || wllenpunde uan Lubeke, mit ludolue dobriciken vnde Jacobe curinge dheme goten, vnde bestedeget den vredhe, || vnde beschreuen vnse rechtecheit tiegen iuwe breue to iu dhutschen sonen vnde goten vnde aller latinscher tungen, Dhen olden vredhe to dher nuwart, binnin ketlingen van gotlande vnde wedher uan nogarden bit to te ketlingen, so wat so dheme gaste dar en tuschen schut, dar schal dhe koning uore andworden mit al dhen nogarderen dheme somergaste; vnde dhe win- tergast sal comen uppe dhes koninges hant, des borgreuen vnde al dher nogardere uppe dhen olden vredhe sunder hindernisse, vnde scholen nemen dhe nogarde- schen boden vnde dhe nogardeschen coplude, uppe dhen olden uredhe vnde of se dhen nogardeschen boden nene nemet, geschut en wat tusgen nogarden vnde ketlingen, dhar ne heuet dhe koning vnde dhe nogardere nicht mede to donde. Willet oc dhe nogardere nenen boden senden, noch ere copmanne nicht varen, vnde dhe dhutschen uaren sonder boden, so solen se uaren sunder hindernisse to te ketlingen uppe dhen olden uredhe. So welic dhudische ofte gote ueret cop- fart to dhen crelen, geschut eme dar wat, dhar ne hebbet dhe nogardere nicht mede to donde. Willet oc dhe nogardere bi eres silues willen nicht wedher uaren mit ten coggen, so scholen se geuen van iewelikeme vare ene halue mark silueres. So wanne dhe gast comet in dhe nu vnde heuet he to dunde holtes odher mast, dhe mach he howen an beidhent sit dhes wateres, war so he wil. Vet* men enen

1) Ucber die Zcit cler Aus.itcllnng vergl. Sartorius a. a. O. 2) Sartorius hat irrig: Hel.

38»

300 1*269.

dhef tusgen ketlingen vnde aldagen, dhen sal men uoren to te aldagen, dhar sal man ouer en richten, al na sineme broke. Wert en dhef geuangen tusgen alda- gen vnde nogarden, dhen sal men to nogarden ouer richten na sineme broke. So wenne he dhudeschen vnde dhe goten comet in dher uolkov vore dhen uorsch, So solen se de uorsch kerle uorderen sunder letten, unde setten in ere schepe vrome lude vnde nemen von en dat uan oldere gewese.i heuet, vnde nicht mer; vnde swenne so dhe gast upwart comet to gesteuelde, so sal he geuen also he uan older tit heuet gegeuen, vnde nicht mer; vnde dhe lodienman, dhe gewnnen is to ter nu vn wedher up, dhe schal hebben uor sine spise V marc cunen ofte enen baken; Is he gewnnen van nogarden wante to te aldagen, vn wedher up, III maic cunen ofte enen haluen baken uor sine spise. Is dhat en lodie tobrekt, dhe ut varet na gude, ofte geladhen is mit gode, dher lodien darf men nicht gel- den; mer der lodien hure sal men geuen. Of dhe uorbenomeden lodeiman an der up vart, edher ut, schelende werdhen mit ten gesten, vnde of se sic vnder en uoreuenen an der reise, dhat schal bliuen stede; vnde of se sic nicht uoreuenen mogen, so scholen se comen to rechtten degedingen vor den hertogen vnde uor dhe nogardere uppe sunte Johannes hof. Dhe uorlude to te nogarden scholen nemen uan iewelker lodien up to te nogarden to uorende uan deme strande in dhen dudesch hof XV cunen, vnde in dher goten hof X kunen; van dher utforinge to haluer mark cunen van dher lodien. Is dhe nogardere schuldig to te gotlande, men ene sal nicht en setten in dhe pogarden. Liker wis also ne sal men to no- garden dhen dhutschen of dhen goten don, noch schelke uppe ene setten, noch bi dhem cledhe nemen; rner dhat schal an iewedher siden vorderen des hertogen bode. Schut en tuist tuschen dhen dudeschen vn dhen nogarderen, dhe twist sal endegen up sente Johannis houe uor deme borchgreuen, dheme hertogen vnde uor dhen copluden. Comet we mit eggachter wapen in dhere dutschen hof vnde dhar wene wndet, of dhar got nemet, ofte in dhere goten hof, wert he geuangen, men sal ene bringen to rechte, vnde na dheme broke richten. Werdhet oc dhe porten offe dhe tune gehowen, na dheme broke sal men richten; vnde dhar dhe tune uan oldere umbe dhe houe gewesen hebbet, dar men den olden tun ut tut, dar schal men dhen nigen wedher an steken, vnde dhar nicht ouer gripen. Dar dhe wische sin dher dutsgen ofte dere goten, dhe solen se hebben, war so se se be- kennet. So wat so twist geschut an dhere someruart, dar heuet dhe winteruart nicht mede to donde; Vnde wat so twist geschut an dhere winteruart, dar heuet dhe someruart nicht mede to donde. So wat so sake to weruende hebben uan gerichttes wegene winteruart vn someruart, dhat scholen se endegen uor dheme

1269. 301

hertogen, dhen oldermannen vnde dhen nogarderen, vnde scholen uaren eren wech sinder hindernisse. So war so dlie twist geschut, dhar sal man se endegen. So war so inpandinge geschut, des ersten iares sal men et kundingen unde nicht nemen, vnde dhes anderen iares also; vnde wert it nicht af geleget, dhes dherden iares sal men panden vnde nemen sin gut. Schut en twist1 tusgen dhen landen vnde dhen nogarderen, dhe engelegen sint, so schal de gast varen vngehinderet bi watere vnde be lande al so wit, al so dhe walt is dhere nogardere. So we bidher nv comet, dhe sal bi dher nu weder uaren, comet he bi lande, bi lande sal he wedher comen sunder hindernisse. Is dhat sake, dhat twe tugen solen dhudeschen vnde nogardere, vnde se beidhe dregen ouer en, so saJ men en truwen. Is oc dat se schelet, vnde se ouer en nicht ene dreget, so solen se loten vnder en; so wes lot sic ut nemet, dhe is recht an sineme tuge. So we so copinge heuet mit teme dhudeschen vnde mit teme goten, vnde sin gut uor ueret ofte uor dot, he mot aller erst gelden dhen gesten, vn sint anderen luden, dhen he schuldecht is. Louet sin wif mit dheme manne, mit ereme manne schal se uor dhe schult egen wesen, of se nicht ne mogen uor gelden. Louet auer dhe wruwe nicht mit ereme manne, se bliuet ledhech uan dhere schult. Wert en nogardesch bode gesclagen ouer se, dhen sal men beteren mit XX marc silueres; to likere wis enen dhudeschen boden to nogarden vnde binnen erer gewalt mit also uele gudes: dhese benomeden beteringe sal men oc don uor enen prester, vnde vor enen olderman, vor iewelic houet XX marc sil- ueres to beteringe, vnde uor enen copman X marc silueres, Wert ein man gewunt mit eggachteme wapene, of mit chuppelene, men schal eme beteren anderhalue mark silueres. Slet en man dhen andern an sin ore, ofte an sinen hals, he schal eme beteren III verdhinge. Dhat gewichte vnde dhat gelode van siluere vnde van andereme gode, dar men weget uppe dhere schalen, dhat schal men gelic haiden vnde recht. Dhat cap sal behalden an dhere wichte VIII punt livisch.

Xach einer auf der Trese befindlichen, auf einer langen Pergament-Hollc gcschricbenen Vrkunde ohne Zeichen einer Bcglaubigung, nach Sar t o rius (a. a. O. Th.il. S.9ii. Xote 5.) nicht unwahrscheinlichen Vermuthung einer Vebcrsetzung dcs russitchen Originales.

1) Von andcrer Hand ist „orloRC*' ubcrgcscliricbcn.

1270. Jun. 23.