CDLVIII.

Johannis Bapt.. 1333. In nomine sancte et Indiuidue Trinitatis Amen. Nos . . Judices . . Scabini . . Con- sules totusque Ciuium Magistratus Ciuitatis Coloniensis, ad . . vniuersorum tam presencium

351

quam futurorum perpetuam rei memoriam volumus peruenire, Quod in die natiuitatis beati Johannis Baptiste Magne Excellencie ac Serenitatis Illustris Matrona Domina Elizabet quon- dam Regina Bohemie pia Intencione sibi a nobis vnum de Corporibus Sanctarum vndecim Milium virginum in Ecclesia earumdem beatarum virginum Coloniensi inpetrari, vt in Mo- nasterio nuncupato Aula sancte Marie in preurbio Brunnensi, ab eadem domina Regina fundato, per Abbatissam et Conuentum eiusdem Monasterij Ceterosque vniuersos et singulos ad huiusmodi sanctuarium deuocionem habentes et habituros posset laudibus et honoribus salubriter venerari postulauit instancius et requisiuit, Vnde Nos prefate domine Regine pie, deuocioni, quam ad ipsum sanctuarium eam habere cognouimus cum decenti Inclinacione parentes accessimus ad . . venerabiles dominas . . Abbatissam totumque . . Capitulum prefate Ecclesie sanctarum vndecim Milium virginum Corpus vnum integrum de sanctis vndecim milium virginibus, qui corporum suorum innocentem ob reuerenciam Christi passionis, sanguinem effunderunt optinuimus nostris instantibus precibus et eidem domine Regine cu- rauimus impetrare, Rogantes igitur dictum Sanctuarium, cum verum et certum sit vnum corpus de earundem sanctarum vndecim milium virginum, ab vniuersis et singulis Christi fidelibus presentibus et futuris, quibus vita et passio earum saluberrima innotuerit dignis honoribus pijsque laudibus deuotissime venerari. In cuius rei perpetuam memoriam prefate Regine has nostras literas nostre Ciuitatis Coloniensis sigilli appensione tradidimus commu- nitas. Datum Colonie in die festi natiuitatis beati Johannis baptiste predicta, Anno domini Millesimo Trecentesimo Tricesimo Tercio.

(Orig. memhran. cum sigillo majori rupto in archivo monasterii Aula S. Marit e apud C. R. Gubern. Brunae sub tit. D. n. 19.)