LXXV.

Aos Divissius de Sternberg, Purggravius Olomucensis presentibus profitemur, nos pio suscepisse ex affectu a venerabili viro domino Bohuslao abbate totoque conuentu mona- sterii Gradicensis ordinis Premonstratensis villam eiusdem monasterii dictam Tynczek cum agricultura et omnibus suis pertinentiis ad tempora vite nostre tantummodo possidendam. Promittentes fideliter in his scriptis, postquam dominus deus nos vocaverit ex hac vita, ut predicta villa cum seminibus ibidem seminatis. equis, pecoribus, et pecudibus, ac omnibus aliis in eadem curia, eo tempore comparatis, ad dictum monasterium cum metis et terminis, ab antiquo inter villam nostram Chwalkovicz et ipsam villam Tyn, distinctis et expressis, sine successorum nostrorum contradictione qualibet revertatur. Insuper confitemur nos etiam suscepisse tantum temporibus vite nostre, dicti monasterii villas, videlicet Tiessikowa Lltota, dimidietatem vilke Lodyegnycz superioris, et villam dictam Stephanow, ad dictum monaste rium spectantem, possidendas etiam et tenendas taliter, postquam jubente deo migraverimus de hac vita, ut dicte ville cum integritate, et cum omnibus suis terminis atque metis sine ambiguitate qualibet revertantur. Ut igitur successores nostri post vite nostre curricula ab inpedimento dictorum bonorum resipiscant, pro testimonio ampliori presentes literas nostro sigillo, ac nobilis viri Hermanni Czudari i Olomucensis, nec non civitatis Olomucensis sigillo jussimus communiri. Actum et datum anno domini MCCCXIV. In crastino circumcisionis domini nostri Jesu Christi.