CXXXII.

Johannes Episcopus Servus Servorum Dei Venerabili Fratri . . Episcopo Craco- viensi Salutem et apostolicam benedictionem. Cum illius pastoris pariter et custodis, qui animam suam pro ovibus suis posuit, et qui ex hiis quas pater sibi dederat, aliquam non ammisit vices licet immeriti geramus in terris ut pro viribus commisse vicis exequamur officium tenemur super gregem humilitatis nostre cure commissum, noctis custodire vigilias ut lupis molientibus diripere gregem ipsum obviare toto conamine satagamus, et velut custos seu etiam speculator instruimur ore prophetico super speculam iugiter stare per diem et

103

super custodiam totis lustrare noctibus. prospectare undique, et pro posse singula speculari. ut annunüenius quecumque viderimus, et opponamus nos murum ascedentibus ex adverso, de vinea Domini Sabaoth demolientes exterminaturi vulpeculas. et de veri vestiario Salo- monis corrodentes tineas exclusuri propter quod Habrae patris fidei typum gerentes in Dei ecclesia, ad catholicae fidei tuitlonem afficimur ipsiusque desideramus ubilibet incrementa producere, ac eam a malignorum et pravorum quorumlibet hereticorum presertim atque cre- dentium fautorum defensorum et receptatorum illorum dolosis insidiis et f'allaciis fraudulentis opportunis remediis preservare. Sane non sine amaritudine cordis accepinms, quod in ali- quibus partibus Regnorum Boemie et Polonie et in eorum confinibus et limitibus precipue in Civitate et Diocesi Cracoviensi adeo patenter beretice infidelitatis error invaluit quod ibidem quamplurimi a via veritalis prorsus adversi euntes post devium falsitatis, ac seipsos diversis et variis beresibus maculantes pestiferas ad concutiendum orthodoxe soliditatem fidei machinas construunt ipsamque subvertere falsis et vulpinis impulsibus fallacium argumenta- tionum intendunt. Quid ergo frater tu ad hec nunquid stabis tota die otiosus et tan quam nulla sit tibi cura de omnibus biis qui exprobant nomini agminum Israel, te zelo fidei non oppones. An non attendis, quod clumat ad te Dominus per propbetam ut loquaris ad omnes Civitates Juda sermones quos locutus est tibi et sermones illos exprimendo subiungit. Vade et clama Revertere adversatrix Israel dicit Dominus. et non avertam faciem meam a te. Nunquid etiam clamat idem Dominus per Ezechielem dicens: si speculator viderit gladium venientem, et non insonuerit buccina, veneritqne gladius et tulerit animam tinam de populo sanguinem eius de manu speculatoris requiram. Redde ergo tue testimonium fidei, et in Christi negotio ulterius non lentescas, nec sit apud te verbum Domini alligatum, sed diligenter pastoralis partes officii exequaris. Noli otiari in talento Domini, sed ut illud Dominus cum fenoris accessione recipiat, evangelicam negotiationem exerce. Insta opportune et importune, opus fac evangeliste ministerium lutini imple, et animam si necesse fuerit pro defensione fidei ponere non formides. Nos autem licet ad talium iniqua ubique consternenda molimina eo animosius aspiremus quo pernitialius ea in dispendinm animarum non ambigimus redun- dare, et quo latius serpunt ac dilatantur periculosius, si non in suis initiis extinguantur. Cnpientes tamen ancxie in Civitate ac Diocesi memoratis ac terris et locis aliis dictorum Regnorum veluti gentilibus et paganis quasi conterminis negotium ipsius fidei elisis omnino quibusvis erroribus heresumque quarumlibet eradicatis vepribus iugi profectu convalescere fortius ac felicius prosperari, ad id inibi promovendum per nos et alios attentius nee immerito vigilare studemus. Unde providimus dilectos filios fratres Coldam et Peregrinum Oppoliensium Predicatorum et Hartmannum Pilnens. et Nicolaum Haspodinet de Cracovia Minorum Ordinum, quorum honesta conversatio, ut speramus, exemplum tribuet puritatis, et doctrinam fundent erudita labia salutarem, ad inquisitionis oflicium in predictis Civitatibus ac Dioc. locis et terris contra hereticos credentes fautores defensores, et receptatores eorum iuxta formam canonum exequendum per apostolicas litteras deputandos. Quocirca fraternitati tue per apo- stolica scripta mandnmus quatinus premissis omnibus pia meditatione pensatis indutus loricam fidei ad illius vitanda pericula et hostium eius audaciam compescendam in predictis tua

104

Civitate atque Dioc. te ferventer accingens, ne dissimulare videaris quod terreni principes emulantur quantum in te fuerit contra ipsos hereticos credentes fautores defensores et recep- tatores eorum sie insurgere studeas, sie eisdem Inquisitoribus circa tam pium commissum eis officium salubriter exequendum consiliis auxiliis et favoribus opportunis assistas, quod tuo mediante suffragio per eorum sacrum ministerium ac studium vigile et sollicitudinem indefessam predicte tue Civitas et Dioc. ab huiusmodi pravis contagiis assistente divina gratia expurgentur, ac fidei catholice nitor multiplicetur et solidetur ibidem et clarius et lucidius elucescat in Dei honorem et eius fidei incrementum soliditatem et statum, per quod ab eo cuius ages in hac parte negotium inextimabile tibi premium compares, et nobis ac apostolice sedi dignis in Domino laudibus commendandus occurras. Datum Avinione Kal. Maii Anno Secundo.

In eundem modum venerabili Fratri . . Epücopo Missinensi etc. ut supra usque et limitibus adeo patenter etc. ut in eadem usque cupientes tamen anexie in Regnis terris et locis dictorum Regnorum veluti etc. ut in eadem usque ad Inquisitionis officium in predictis Regnis locis et terris contra etc. usque indefessam predicta Regna terre et loca etc. ut in eadem per totum. Datum ut supra.

In eundem modum venerabili Fratri . . Episcopo Olomucensi etc. ut in prima per totum mutato nomine Civitatis.

(Ex autographo Regesto Johannis papae XXII. anni II. pari. I. pag. 315. epist. 1053. in Tabulariis Yaticanis copiavit Dr. B. Dudik.)