CCCXXXV.

J\os Johannes dei gracia Boemie et Polonie Rex, ac Lucemburgensis Comes. Notum facimus, vniuersis presentes litteras inspecturis. Quod ob specialis deuocionis affectum, quem ad Monasterium sancte Clare, in Ciuitate Znoymensi situm, et deuotas nobis .. Abbatissam et Conuentum Sanctimonialium eiusdem sancte Clare ordinis, deo Creatori suo inibi iugiter famulancium habuimus et habemus ac ob nostre et progenitorum nostrorum animarum, Salutem Ipsas cum omnibus bonis, et hominibus ad ipsum Monasterium, nunc uel in futurum spec- tantibus, ab omnibus Subsidijs, Collectis, Contribucionibus, et quarumcumque dacionum solucionibus, quas ipsas ex quacumque occasione nobis, uel nostris subditis quibuscumque dari vel soluere deinceps contingeret, generali collecta Regia, vel Steura, que Berna dicitur, dumtaxat excepta, de benignitate Regia duximus perpetuo liberandum, Volentes et mandantes firmiter et expresse, vt nulli omnino hominum, cuiuscumque preeminentie, status, aut condi- cionis existat predictam libertatis nostre graciam sepefato Monasterio de certa scientia nostra factum, vllo vmquam tempore violare presumat, nec a bonis eiusdem et hominibus subsidia, Collectas, vel Contribuciones aliquo cuiuscumque Juris, Consuetudinis aut facti pretextu, exigere vel recipere deinceps audeat aliquomodo vel presumat, sola Berna, vt premittitur, dumtaxat exclusa. In cuius rei testimonium et Robur presentes litteras fieri et sigillo nostro maiori iussimus communiri. Datum Znoyme anno domini Millesimo Trecentesimo vicesimo septimo, X. Kalendas Maij.