CVIII.

Johannes Episcopus Servus Servorum Dei Dilecto filio . . Preposito Chunicensis Monasterii per Prepositum soliti gubernari Premonstratensis ordinis et Magistris Gabrieli de Fabriano Archipresbytero de sancto Archangelo Ariminensis diocesis ac Ulrico Scolastico Pragensis ecclesiarum salutem et apostolicam benedictionem. Si gratanter advertitur qualiter Romana mater ecclesia, quam divina dementia cunctarum orbis ecclesiarum capud statuit »et habere voluit, principatum gerens ad filios materne compassionis affectum illorum afficiatur angustiis, et communicet indefessa pressuris ac in necessitatibus per opportune subventionis remedium laxet manum modos exquirendo sollicite quibus eis grate quietis et pacis commoda sumministret. Non equidem personis ecclesiasticis molestum accedet, quin potius equanimi devotionis affectum placidum geret et gratum, si ecclesia ipsa per vias et modos decentes et licitos non onerosos ecclesijs, nec divino cultui derogantes innumera necessitatum suarum onera que profecto debent propria reputare, provide relevet, cum ad illa supportanda non possit utpote in redditibus non habundans per se sufficere nec ad questuarios modos velit recursum habere. Sic igitur nostris hujusmodi et Camere nostre necessitatibus utique gran- dil)us vijs et modis predictis providere volentes fructus redditus et proventus primi anni omnium et singulorum beneficiorum ecclesiasticorum, cum cura vel sine cura etiam dignita- tnm, personatuum, et officiorum quorumlibet, ecclesiarum, monasteriorum, prioratuum et aliorum locorum ecclesiasticorum tam secularinm quam regularium exemptorum et non exemptorum Regni Boemie ac provincie seu Terre Moravie, que tunc vacabant, et que usque ad Triennium qualitercumque et ubicumque etiamsi apud sedem apostolicam vacare contingeret, ecclesiis tamen monasterijs dignitatibus, ac beneficiis subscriptis expressim exceptis, pereipiendos in modum subdistinctum pro nostris et ipsius ecclesie oneribus facilius tolerandis et in eius agendorum subsidium de fratrum nostrorum consilio per alias nostras litteras duximus deputandos, ipsosque per te . . Prepositum, ac vos. magistros Gabrielem et Ulricum et vestrum quemlibet, quos ad hoc Collectores tenore presentium deputamus trat Subcollectores, qui per vos et vestrum singulos ad buiusmodi collectionis ministerium fuerint constituti in singulis vestris Civitatibus et diocesibus colligi volumus, et per vos eidem Camere assignari. Aon obstantibus quibuscumque statutis et consuetudinibus contrariis ecclesiarum, monasteriorum et locorum in quibus buiusmodi beneficia dignitates personatus

et officia fuerint iuramento confirmatione dicte sedis seu quacumque firmitate alia roboratis. Aut si fructus redditus et proventus huiusmodi primi anni ex privilegio sedis eiusdem vel alias de iure seu quacumque consuetudine vel statuto alicui vel aliquibus debeantur sive si ad fabricam quorumcumque ecclesiarum monasteriorum seu locorum aut constructionem seu reparationem menium Civitatum Castrorum aut Villarum quorumlibet per quoscumque concessi forent, vel etiam deputati seu interim concedi vel deputari contingeret, aut si essent in usus alios convertendi. Volumus autem quod si idem beneficium bis in anno vacare contin geret non nisi semel fructus, redditus et proventus illius per ipsa duplici vacatione perci- peretis ut videlicet singulis annis ipsius Triennii unica fructuum redditum et proventuum cuiuslibet beneficii sie vacanlis essetis perceptione contenti, quodque predicti fructus redditus et proventus iuxta taxationem decime solverentur et reciperentur a vobis scilicet summam pro qua unumquodque beneficiorum ipsorum in decime solutione taxatur exigeretis et perci- peretis totali residuo huiusmodi beneficia obtinentibus remansuro, nisi forte vos residuum ipsum pro nobis et Camera nostra percipere et habere malletis, et eadem beneficia obtinen tibus ad supportandum ipsorum onera et ad sustentationem habendam summam pro qua beneficia sepedicta taxantur in decima remanere. Nos enim vos percipiendi utrumlibet predictorum scilicet taxationem ipsam vel residuum antedictum habere volumus optiouem. Ita tamen quod quiequid elegentis (sie) beneficiorum ipsorum onera deberent ipsa beneficia obtinentes pro ea parte quam vos eis dimitteretis totaliter supportare nisi forte obtinentes ipsi huiusmodi beneficia fructus redditus et proventus omnes vellent vobis dimittere, quo casu haberetis huiusmodi beneficiis quo ad curam animarum si eis immineret, neo non et in divinis officiis et sacramentorum ecclesiusticorum ministrationem facere per personas ydoneas deserviri, ac cetera eis incumbentia onera supportari. Ceterum volumus et per dictas nostras litteras duximus declarandum, ut deputatio nostra huiusmodi nullatenus exten- deretur ad Archiepiscopales et Episcopales ecclesias, nec non ad Abbatias Regulares nec ad beneficia illa, quorum fructus, redditus, et proventus annui valorem sex marcharum argenti non excederent, et que ex permutationis causa vacare contingeret, nec etiam ad Vicarias seu Capellanias ut plurimum a decedentibus secundum morem diversarum ecclesiarum institutas ad missas pro ipsis decedentibus celebrandas certis constitutis redditibus presbytero inibi celebranti, seu aliis ut divinis vel nocturnis canonicis horis intersint nec etiam ad cotidianas distributiones quarumcumque ecclesiarum seu anniversaria vel obventiones que ad certum quid deputate noscuntur. Verum quia contigit interdum ut primi fructus redditus et proventus beneficiorum huiusmodi debentur defuncto vel fabrice aut prelato seu ecclesie habenti annalia, declaramus per litteras supradictas ut pretextu dicte nostre deputationis non preiudicaretur in lolum eisdem qui aliat primi anni fructus redditus et proventus fuerant percepturi de consuetudine privilegio vel statuto, quin fructus redditus et proventus huius modi primi anni sequentis perciperent, sicut percipere consueverant temporibus retroactis. Volumus autem prout est consonum rationi ad scandala evitanda quod solutio huiusmodi fructuum reddituum et proventuum fieret in duobus terminis congruis nostro arbitrio statuendis quibus id extunc duximus committendum vestras super hoc conscientias onerando, Sic

79

equidem quod ubi vos taxationem decimalem fructuum reddituum et proventuum huiusmodi primi anni pro Camera nostra habere malletis, obtinentes ipsa beneficia dictorum fructuum reddituum et proventuum residuum labituri de eisdem fructibus redditibus et proventibus, quos eo casu iidem obtinentes in totum colligerent eandem taxationem vobis solverent in ipsis duobus terminis ut premittitur statuendis et sufficientem cautionem vobis de huiusmodi solutione prestarent. Ubi vero vos taxationem predictam obtinentibus beneficia ipsa relinquere et eligeretis habere residuum fructuum reddituum et proventuum eorundem, tunc vos de ipsis fructibus redditibus et proventibus quos in totum colligeretis, eo casu solveretis obti nentibus dicta beneficia taxationem eandem in duobus terminis similiter statuendis. Sed nec pretextu defectus solutionum huiusmodi volumus ut ad calices, cruces, vasa sacra, libros vel vestes, ac bona mobilia divino usui dedicata manus aliquatenus extendantur. Et insuper venerabiles fratres nostros Episcopos, et dilectos filios Abbates, Priores, Decanos, Archi- diaconos, prepositos, plebanos Archipresbyteros et Rectores, Capitula quoque, collegia, et Conventus ceterasque personas ecclesiasticas, nec non priores ac preceptores seu magistros in litteris eisdem expressos. ipsorumque loca tenentes per litteras supradictas rogandos monendos attentius duximus, ac etiam exhortandos ac vobis et eis per apostolica scripta destricte precipiendo mandantes et in remissionem peccaminum iniugentes, ut huiusmodi vestris et prelibate ecclesie necessitatibus devoto compatientes affectu collectores super hoc deputandos a nobis et Subcollectores quos per eos ad id contingeret deputari et ipsorum quemlibet dictos fructus redditus et proventus per idem Triennium inclusive in forma pre- scripta petere colligere exigere et recipere absque alicuius diflicultatis obstaculo permitteretis libere et illos prout esset in vobis et eis dictis Collectoribus vel eorum alicui aut subcol- lectoribus memoratis tradere et exhibere curraretis per eos supradicte ecclesie Camere assignandos. Quocirca discretioni vestre, de qua plenam in Domino fiduciam obtinemus, per apostolica scripta mandamus quatinus vos et quilibet vestrum prefatos fructus, redditus et proventus per vos et Subcollectores predictos vel eorum aliquem diligenter petere colligere exigere et recipere nostro et ecclesie predicte nomine studeatis. Vobis nichilominus in virtute obedientie et sub excommunicationis pena districtius iniungentes, ne pecuniam fruc tuum, reddituum, et proventuum eorumdem distrahatis quomodolibet vel in usus alios convertatis, sed illam fideliter eidem Camere assignare curetis. Nos enim vobis et vestrum cuilibet petendi, colligendi, exigendi et recipiendi nostro et ecclesie prefate nomine per vos et Subcollectores eosdem et singulos eorum fructus redditus et proventus premissos et Subcollectores mutandi predictos et alios subrogandi, quotiens vobis et singulis vestrum expedire videbitur nec non Contradictores quoslibet et rebelles quicunque et cuiuscumque conditionis preminentie dignitatis ordinis aut status existant per censuram ecclesiasticam appellatione postposita compescendi. Non obstantibus omnibus supradictis seu si Electis Abbatibus Prioribus Decanis Archidiaconis et aliis superius nominatis vel personis aliis quibuscumque ac eorum ordinibus specialiter vel generaliter, communiter vel divisim a sede prefata indultum existat, quod excommunicari, suspendi vel interdici non possint per litteras apostolicas non facientes plenam et expressam ac de verbo ad verbum de mandato huiusmodi,

80

ac propriis ordinum locorum et personarum ipsorum nominibus mentionem et quibuslibet privilegiis indulgentiis et litteris apostolicis generalibus vel specialibus quorumcumque tenorum existant, quibuscumque dignitatibus, ordinibus personis et locis sub quacunque forma vel conceptione verborum a dicta sede concessis per que presentibus non expressa vel totaliter non inserta effectus earum impediri valeret quomodolibet vel differri, et de quibus quorumque totis tenoribus de verbo ad verbum mentionem in nostris litteris fieri oporteat specialem plenam et liberam concedimus tenore preseutium potestatem. Datum Avinione VI Idus Decembris anno primo.

(E* autographo Regesto Johsnnis papt e XXII. anni I. part. I. pag. 383. cpist. 1277. in Tabnlariis Vaticanis copiavit Dr. B. Dudik.)