CCCLXXV.

l\os Johannes aduocatus, Wismannus, Nycolaus Ruthlibi, Dythusso Golthbergeri, Nycolaus Oppauiensis Consules, Jacobus bernhardi, Adam Aduocati, Henricus Dorflo, Jo hannes dictus auunculus, Otto Trebenceri, Rychlo pannicida, scabini Olomucenses tenore presencium recognoscimus et testamur vniuersis. Qüod Tirlinus, Jacobus, et Wencezlaus fratres, Anna, Clara, Margareta, Chwalice, sorores eorundem pueri quondam Hanconis dicti Tyrwardi conciuis nostri molendinum suum sub monasterio sancti Jacobi in Olmuncz super Morauam constitutum, et aliud desertum vltra obstaculum dieti molendini positum, cum agris, pratis, piscationibus, pomeriis, et aliis omnibus ad dictum molendinum spectantibus eo iure emphitheotico quod wlgariter purchrecht dicitur, quo ipsi et antecessores ipsorum possede- runt. Item mediam aream seu locum tam aque quam riparum quondam molendini cuius vestigium in flumine sub burgo ecclesie sancti Blasii actenus esse dinoscitur. Item pratum inter ortos monasterii Gradicensis prope pontes preurbanos iuxta fluuium Moraue situm, religiosis sororibus Anne magistre totique conuentui sororum Sanctimonialium dicti monasterii sancti Jacobi in Olmuncz, pro ducentis et quinquaginta tribus marcis grossorum denariorum pragensium, morauici ponderis et numeri rite et racionabiliter vendiderunt et vendita eisdem iure hereditario possidenda, coram nobis resignarunt iudicio informato, promittentes eadem bona secundum consuetudinem iuris nostre ciuitatis, ab omni cuiuslibet impeticione disbrigare penitus et libertare, renunciantes insuper omnibus accionibus, iuribus, priuilegiis, ac muni- mentis, seu defensionibus, si quis uel qui habent uel habere eos contingat inposterum per quas uel que in preiudicium empcionis predicte possent aliqualiter attemptari, et si uti quisquam ' uellet eisdem sine omni contradiccione nullius sint eflicacie uel momenti. In cuius rei testi- monium presentes dedimus maiori sigillo nostre ciuitatis munimine roboratas. Actum et datum, anno domini M°.CCC°.XX°. nono.