XXX.

In gotis namen amen. Wir Nicolaus von Gotis gnadin Herzog des landis zv Troppaw. tun chunt, allen den, die nu sint, oder her noch kümphtig werdint. di disen vnsern Brief, sehen, laesen, oder hoerint laesen. dasz wir, bedacht, vnd angesaehen habin, trewin, saetigin, vnd auch nüzlichen, dinst, den vns di getrewin, vnser voit vnd purger zv lubschiz, getan vnd irzeigit habint, manik valt, vnd her noch, vnsirn erben, vnd vnsirn nochkümlingin, wol mit vndirtaenigin dinste getrewlich virdinen moegin, vnd sülln vnd si begnadin, von gewalt, vnd chraft vnsirs furstentums do mit, dacz wir in gebin allen den Cinsz, der in der stat werden mach} von bewin, oder Stiftin, an Kaufhause, oder gewant kamern, an craemen, an schubenkin, an phragner Kamern, oder wi is genant sei. do von, cins oder dinst von werden mechte, ob wir, vnser erben, oder vnser nochkumling. chein recht dor zv betten, dasz geb wir vrei ewichleich,. vnsern vorgenanten purgern zv lub schiz, der stat, zv besserung, vnd zv vorschin, noch ir notturfte. in aller weyse als sis vor gehabt habin. von vnsern eldirn, desz ir hant vesten bekennen dasz dasz ganz vnd vnzebrochen ewiclichen, von vns, vnsirn erben, oder von vnsirn nochkumlingin bleibe, dorüm so geb wir der oft genanten stat zv lubschiz. disen vnsern offm Brief, virsigilt mit vnserm hangindem grosem Ingesygele. desz sint gezeuge. vnser getrewin. di da bey gewest sint. Tyme. von Widinbach. Gunther, vnd Vlman von der lynaw. Burchart Stosche Heinke von lubschiz. Burchart von Opal. Heinrich Hoberch. vnd. ander gnuch den auch wol zv glawin ist, dasz ist geschen in der selben stat zv lubschiz des suntags. an. aller manne vasnacht, do noch Christus gebürt, ergangin worn. tausint jar. drew hundirt jar. dor noch im zwey unde drisichsten jare.

397_