CCCXXXVII.

i\los Johannes dei gracia Boemie et Polonie Rex ac Lucemburgensis Comes, ad vniuersorum noticiam presencium et futurorum volumus peruenire, Quod cum ob reuerenciam Sancte dei genitricis virginis Marie, loca quelibet in ipsius honorem fundata veneremur dignis honoribus et prosequamur fauoribus graciosis, specialiter tamen Monasterium Monialium Aule Sancte Marie in antiqua Brunna Cysterciensis ordinis, Olomucensis Dyocesis, cuius fundatores sumus et censeri volumus amplectimur fauoribus graciosis, Sane quod cum prius Monasterio Aule Sancte Marie Abbatisse et Conuentui Capellam Sancti Procopij ex certa nostra — donaue- rimus omni Jure, vtilitatibus et Jure patronatus, quibus ad nos, et predecessores nostros spectabat, de gracia speciali, huiusmodi vero Capelle Sancti Procopij gracias, Jura, et

264

libertates de munificencia Regalis clemencie ampliare volentes, damus et concedimus Abbatisse et Conuentui Monasterij predicti has gracias perpetuo duraturas. Quod quandocumque nos, heredes, siue successores nostros, Reges Boemie et Marchiones Morauie Bernam siue steuram in terra Morauie recipere contiget, extunc Abbatissa et Conuentus predicti Monasterij Stilum Berne siue Notariam supremam Berne, Brunnensis prouincie dare et conferre habeant, cui velint tali tamen persone, que ad reddendam racionem sufficiat dicte Berne, Et quod Abbatissa et Conuentus Monasterij prelibati eciam habeant dare et conferre notariam zude Brunnensis, qui notarius tabulas terre habeat omni Jure et utilitate quo ab autiquo terre siue Zude notarij consueuerunt habere personis tamen ydoneis quibus velint, Et vbicunque Moneta siue vrbora, in toto Marchionatu Morauie nunc est siue in posterum statuetur volumus et concedimus, vt Abbatissa et Conuentus Monasterij sepedicti dare et conferre habeant officium examinacionis siue examinatoris in vrbora et Moneta, omni Jure et vtilit'atibus, quibus in Monetis est consuetum examinacionis siue examinatoris officium pertractare. Insuper omnia Jura, gracias, libertates, immunitates et exempciones racionabiles, quas dicta Capella sancti Procopij ab antiquo habuit, et ea, que racionabiliter demonstrari poterint, approbamus inno- uamus, et confirmamus, et ex certa nostra sciencia perpetuis temporibus stabilimus, presentibus perpetuo valituris In cuius rei testimonium et robur perpetuum presentes fieri voluimus et nostri maioris Sigilli munimine iussimus comuniri, Actum et Datum Brunne III°. Kalendas Maij. Anno Domini Millesimo Trecentesimo, vicesimo Septimo,

(Orig. membran. cum sigillo majori ex parte lteso in archivo ejusdem monasterii apud C. R. Gubern. Brunse sub lit. G. n. 13.)