CDXXXII.

i^ios Johannes Dei gracia Bohemie et Polonie Rex ac Lucemburgensis, Comes, ad uniuersorum tam jam superstitum quam in antea futurorum noticiam tenore presencium volumus peruenire, quod affectantes Religiosorum virorum Abbatis et Conventus Monasterii in Zar ord. Cisterc. quod vocabulo Sancte Marie virginis insignitur in salutis nostre aug- mentum et heredum ac successorum nostrorum pio remedio utilitatibus commodis et profectibus intendere operose nos ipsis qui iam aliquamdiu per plura incommoda nimium sunt afflicti, ut deinceps sub felici nostro Regimine respirare et Omnipotenti Deo eo commodius et peramplius famulari valeant, hanc gratiam duximus faciendam, ita videlicet quod ex omnibus bonis eorum circumcirca Monasterium ipsum infra trium milliarium spacium sitis nullam generalem Bernam quocienscunque uel quandocunque eam Regno nostro per nos heredes et successores nostros imponi contingeret soluere perpetuis temporibus teneantur ac etiam ab omni datione, vexatione et solucione alia per quas occasione bonorum huiusmodi gravari possent penitus sint exempti, de bonis autem aliis que jam tenent in Bohemia seu Moravia, vel in futurum habebunt ad debita servitiorum et subditorum onera facienda pro eorum possibilitate velut alii Religiosi nostri sint adstricti. Promittentes pro nobis, heredibus et successoribus nostris, Bohemie regibus dictum libertatem et exemptionem non infringere; Et mandamus Universis officiatis nostris cuiuscunque conditionis existant vel quocumque censeantur nomine presentibus et futuris, quatenus predictos abbatem et Conventum ac ipsum Monasterium juxta affectum Regium conseruent, fauorabiliter in eisdem. In cuius rei testimonium presentes litteras fieri et sigillo nostro jussimus communiri, Datum in Castris prope La Anno Domini millesimo Irecentesimo tricesimo primo, quinta feria post diem B. Martini proxima.

CDxxxm.

Johannes, papa XXII. monasterium Neo-Reuschense in apostolicce sedis protectionem suscipit, ejusque possessiones confirmat. dto. Amnione Idibus Novemb. 1331.

Johannes episcopus seruus seruorum Dei. Dilectis in Christo Gliabus . . Priorisse et Conuentui Monasterij in Reusch per Priorissam soliti gubernari Premonstratensis ordinis

331

Olomucensis diocesis Salutem et apostolicam benedictionem. Cum a nobis petitur, quod iustum est et honestum tam uigor equitatis, quam ordo exigit rationis, ut id per solicitudinem officij nostri ad debitum perducatur effectum. Eapropter dilecte in domino filie uestris iustis postulationibus grato conuertentes assensu personas uestras et locum in quo diuino estis absequio mancipate, cum omnibus bonis que impresentiarum rationabiliter possidetis, aut in futurum iustis modis prestante domino poteritis adipisci, sub beati Petri et nostram protectionem suscipimus, Specialiter autem decimas certas, domos, vineas, ortos, et alia bona uestra sicut ea omnia iuste, ac pacifice possidetis uobis et per uos dicto monasterio auctoritate apostolica confirmamus et presentis scripti patrocinio communimus, Salua in predictis decimis moderatione Concilij generalis. Nulli ergo omnino hominum liceat banc paginam nostre protectionis et confirmationis infringere uel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli aposto- lorum eius se nouerit incursurum. Datum Auinione Idibus Nouembris Pontificatus nostri Anno Quintodecimo.

(Ex originali in archivo abbatite Neo-Reuschensis.)