XXIX.

tremens Episcopus, servus servorum Dei, Dilectis filijs, Abbatibus, Prioribus, Prae- positis, necnon universis Canonicis Ordinis Prsemonstratensis, Salutem et apostolicam bene

dictionem. Quia vos religiose vivere, et canonice vitam secundum Beati Augustini institutionem instituere Domino inspirante decrevistis,, vestrum propositum ApostolicaB Sedis authoritate firmamus, et vos firmos in remissionem peccatorum vestrorum, in ea persistere exhortamur, sub Excommunicationis, Suspensionis, privationis et interdicti Sententijs districtius inhibentes, ne aliqui Archiepiscopi, Episcopi ac Eiusdem Sedis Legati, Seu Nunccij, vel alij Ecclesiastici Praelati seu Saeculares potestates, scilicet Reges, Duces, Principes Barones, Comites, Milites, Balini, Vasalli, Advocati aut eorum Ministri Ecclesias ac Vicarias vestras, per potentiam vobis auferre, seu procurationes, seu exactiones, tallias, aut aliqua Servitia a vobis exigere, vel res vestras, aut vestrorum impignorare, seu distrahere, vobisque et subditis vestris vio- lentiam aliquam vel injuriam irrogare, aut ipsi Archiepiscopi, vel Episcopi, Legati, Nuncij, vel alij Praelati, Ecclesias ipsas et Vicarias, necnon Monasteria, et Loca vestra interdicto Ecclesiastico subjicere, aut in vos Excommunicationis Suspensionisque sententiam promulgare, quavis occasione praesumat, decernentes, omnia vobis sana, integra ac pacifica observari. Insuper de speciali fauore vobis concedimus, quod Canonici vestri, huiusmodi Parochiales Ecclesias et Vicarias, ad vestram Collationem spectantes, et quos quidem Canonicos, per vos Abbates, Priores et Praepositos, pro tempore ad ipsas Ecclesias et Vicarias praesentare contigerit, qviete regere possint, ab ordinarijs Locorum, curam animarum petere et recipere teneantur. Quod si praefati ordinarij, illam ipsis Canonicis concedere, racionabili causa cessante denegaverint, vobis Abbatibus, Prioribus et Praepositis authoritate Apostolica con cedimus, ut hoc non obstante, eisdem Canonicis Curam animarum huiusmodi conferre possitis, et si dicti Canonici, Ecclesias parrochiales, et Vicarias huiusmodi habentes, curam animarum ab ordinarijs ipsis, vel a vobis Abbatibus, Prioribus, aut Praepositis non quesierint, et in hoc negligenter supersederint. Ideo in Jurepatronatus ipsarum Ecclesiarum et Vicariarum pertinente, nolumus vos esse neglectos, unde unius neglectio, totius Ordinis proprietatem et immunitatem amittere non potest. Ipsi vero vestri Canonici, a Saecularibus potestatibus, sci- flicet Principibus, Militibus, Armigeris, necnon etiam Spiritualibus Personis, seu alijs quibus- cumque Ecclesias Parochiales, et perpetuas Ecclesiarum Parochialium Vicarias, licite possint impetrare, impetratas regere et officiare, et impetrationes Ecclesiarum et Vicariarum, ad eandem vestram collationem spectantium, a vobis et a vestris Successoribus per saeculares Personas fieri inhibemus. Ecclesias autem Parrochiales, et Vicarias vestras hujusmodi con- erre potestis saecularibus Personis, post quarum obitum, seu resignationem, licite conferatis vestris canonicis hujusmodi, quando et quoties videbitis expedire. Nulli eciam Archiepiscopi, Episcopi, Praelati, seu alij Judices Ordinarij quicumque, eosdem Canonicos, et vestros con- fratres, Abbates, Priores et Prapositos, ad suam debeant citare presentiam, nec in alicuius judicio debeant conparere taliter citati, sed omnes eorum casus emergentes, per vos Abbates. Priores et Praepositos hujusmodi judicentur. Volumus insuper, et inhibemus, ne saeculares Presbyteri aut Clerici, in vestras per potentiam intrudantur Ecclesias vel vicarias, et ne Archiepiscopi seu Episcopi Ecclesiarum Parochialium et vicariarum vestrarum diuisionem aliquam faciant, nisi de vestro assensu, et ex causa evidenter vtili, Necnon eciam vobis et successoribus vestris, salvo Jure Patronatus earundem mandamus, etiam sub intimatione

^3

maledictionis aeternfe, similiter inhibentes singulis Ecclesiasticis et Saecularibus Judicibus et Personis cujuscumque conditionis, ne vos vel personas vestras vexent vel molestent, ged in eisdem vestris Litteris contenta, rata conseruent atque grata. Quod si secus aliqui facere praesumpserint, Civitates, Castra, villas et Loca eorum Ecclesiastico subjicimus Interdicto. Nulli ergo omnino hominum liceat hanc paginam nostrae concessionis, Constitutionis, volun- tatis et inhibitionis infringere, vel ei ausu temerario contraire, Si quis autem hoc attentare pnesumpserit, Indignationem Dei Omnipotentis, et Beatorum Petri et Pauli Apostolorum eius se noverit incursurum. Datum Avenione Octavo Idus Octobris Pontificatus nostri Auno quinto.

(E copia copia vidimatsB in archivo monasterii Gradicensis apad C. R. Gabern. Brunte.)