LXXVIII.

Yniuersis ac singulis ad quos presencium noticia deuenerit literarum. Nos frater Henricus de Brunek commendator in Chunicz de ordine sancti Johannis de domo Jerosoli- mitana cupimus fore notum. Quod cum inter nos ex vna et dominum Abbatem Johannem de Luka ordinis Premonstratensis ex parte altera super maioribus decimis curie nos Ire in Rekwicz contentis in limitibus parochie in Grilwicz questio uerteretur. tandem inter nos talis est amicabilis composicio seu concordia ordinata uidelicet quod plebanus in Grilwicz sie dicta nostra curia in Rekwicz per alium quam per personam ordinis nostri religiosam duntaxat nomine ordinis nostri de cetero coleretur uel coli contingat eandem pro summa pecunie uel parte grani, ex tunc idem plebanus mediam partem maioris decime, ac minoris integre prefate curie saluis niebilominus decimis minutis prefate ville et maioribus mediis tantummodo quas semper habuit et habebit. Acta sunt hec in presencia honorabilium virorum fratris Henrici prioris dicte domus Lucensis, domini Waltheri plebani in Presicz et Wiclini clientis in Schenkwicz, ac aliis quam pluribus fidedignis. In cuius rei testimonium presentes nostri et domini Commendatoris in Hostradicz sigillis fecimus communiri. Datum Chunicz anno domini M°CCC° quartodecimo in die sancti Vrbani pape et Martiris.

(Ex apographo ssec. XVH. in bibliotheca ecclesiae S. Nicolai Znoymte dencr. A. Boczek.)