CCLXXV.

tligo Heinricus de Lipa, Capitaneus Morauie, Regni Boemie Summus Marschalcus, Tenore presencium scire cupio vniuersos, tam presentis Etatis homines quam future, Quod Ego sana mente bona deliberacione prehabita, de consensu et conniuencia liberorum et amicorum meorum Testamentum meum tale facere disposui, prout inferius exprimetur. Primo videlicet pro mee, meorumque predecessorum ac posterorum et omnium eorum, quorum bonis male vel bene usus sum, animarum remedio et salute, Claustro siue Monasterio, dicto Aula sancte Marie in Suburbio Brvnnensi sito, vbi locum mee elegi et eligo sepulture, Bona mea, videlicet villas Hluboczan et Malmaricz cum allodijs necnon omnia, que in villa Huswicz habeo, cum allodio ibidem, cum omnibus eorum Juribus prouenübus vtilitatibus et pertinencijs, quocumque censeantur nomine, et in quibuscumque rebus consistant, pro Mille marcis grossorum Pragensium, pagamenti Morauici, Sexagintaquatuor grossos pro marca qualibet computatis, lego, ordino et dispono, volens vt abbatissa et Conuentus dicti Moha- sterii eadem Bona sine impedimento cuiuslibet tenere, possidere, et eis vtifrui debeant, sub onere et seruicio infrascripto, Ita videlicet, quod in dicto Monasterio per omnia tempora, quibus durauerit dies obitus mei singulis annis cum exequijs vigiliarum Nouem leccionum, Missa defunctorum sub nota, vno prandio cum vino, Piscibus et simulis Conuentui eiusdem Monasterij ministrando, et vnum fertonem denariorum, seu pane pro vno fertone estimato mendicis distribuendo deuocius peragatur, volo insuper et ordino, vt in eodem Claustro singulis mensibus Tricesimus dies mei Obitus cum vigilijs trium leccionum, Missa defunc torum et vna pitancia Conuentui ac aliqua eciam data Pauperibus Elemosina perpetuis tem- poribus peragatur. Preterea die vno ad hoc deputato specialiter et Electo, volo vt singulis annis pro salute et remedio animarum Omnium eorum, quorum Bona et res minus iuste forte possedi, vel extorsi, aut alio quoquomodo indebite turbaui, Haut exequie cum vigilijs trium leccionum, Missa defunctorum, vna pitancia Conuentui, et vno fertone denariorum, aut Pane eius valoris, pauperibus erogando, Ordino preterea et volo, Quod si succedente

214

tempore heredes, aut Successores mei legittimi predicta Bona forsitan rehabere voluerint pro Mille marcis promptorum denariorum ab Abbatissa et Conuentu, qui pro tempore fuerint, redimant et exsoluant, Quibus sie exolutis ipsa Abbatissa et Conuentus pro eadem mea pecunia alios comparabunt redditus, per quos Onus prefati seniicij sine diminucione possit expleri, et Bona sic comparata a Claustro predicto nolo alienari vllo modo, Si autem, quod absit, quacumque ex causa alienari ea ineuitabilis faciat et compellat necessitas, Extunc alia Bona predicto Claustro loco illorum assignari volo, sie, quod Onus et seruicium prehabitum nullis succedentibus temporibus suis effectibus defraudetur. In cuius rei testimonium et mee anime cautelam perpetuam, presentes scribi et meo ac filiorum meorum karissimorum Heinrici et Johannis de Lipa, quorum ad hoc accessit voluntas expressa, Sigillis feci communiri perpetuo valituras. Quicumque vero predictum meum testamentum infringere, aut ei ausu temerario contraire presumpserit, indignacionem dei Omnipotentis et beate Marie Virginis gloriose, et sue anime perpetuam dampnacionem incurrat. Datum Prage VIII°. Ydus Marcij. Anno domini Millesimo Trecentesimo Vigesimo Quinto.

(Orig. membran. cum triluis sigillis bene conservatis in archivo ejusdem monasterii apud C. R. Gubern. Brunse sub Lit. A. n. 64.)

CCLXXVI. Jacobus, Mothonensis, et Stephanus, Vemensis episcopi largiuntur ecclesic e B. M. V. in Antiqua Bruno indulgentias XL. dierum, quas Conradus, episcopus Olomucensis confirmat.

Datum Romce IX. Martii 1325.

Uniuersis presentes literas Inspecturis frater Jacobus permissione diuina Episcopus Mothonensis et frater Stephanus eadem permissione Vemensis Episcopus Salutem in do- mino sempiternam. Pia mater Ecclesia de animarum salute solicita per remissiones uidelicet et indulgencias inuitare deuocionem fidelium consueuit, per quedam uera spiritualia ad debiti famulatus honorem deo scilicet et sacris edibus inpendendis, ut quanto crebrius et deuocius illuc confluit Populus christianus assiduis saluatoris graciam precibus inplorando, tanto de- lictorum suorum gloriam (?) et ueniam rengni celestis mereantur eternam. Cum igitur ex parte dilecti filij nostri Nicolai et Petri fratris nobis fuerit humiliter supplicatum, ut omnibus uenientibus ad Ecclesiam sancte Marie Aula in Antiqua Brunna, diocesis Olomucensis, ve- limus indulgenciam exhibere. Nos uero de omnipotentis dei misericordia confisi omnibus vere penitentibus et confessis qui uel que predictam uisitauerint Ecclesiam in ipsius festiui- tatibus seu solempnitatibus Beate virginis Marie, Natiuitatis domini, Circumcisionis, Epyfanie, Resureccionis, Ascensionis, Pentecostes, Trinitatis, dedicacionis Ecclesie, sancti Johannis Battiste, Sanctorum Apostolorum Petri et Pauli et aliorum apostolorum et in festo omnium sanctorum ac per eorum Octauas, in dominicis diebus in Quadragesima manusque porrexerint adiutrices ad fabricam seu lumminaria ac eciam Paramenta Ecclesie supradicte uel qui corpus Christi cum ad Infirmos a sacerdote defertur secuti fuerint, Quadraginta dies de iniunctis eisdem penitencijs misericorditer in domino relaxamus, Dum modo ad id eius dyocesani prestetur assensus, In cuius rei testimonium presentes fieri fecimus et nostrorum Sigillorum

215

appensione muniri. Datum Rome anno domini M°. CCC°. XXV°. Pontificatus domini Johannis pape XXII anno nono Mensis Marcij die.

Et nos Conradus dei gracia Episcopus Olomucensis premissas Indulgencias venera- bilium patrum Episcoporum ecclesie sancte Marie in Aula elargitas ratas habentes et gratas, auctoritate ordinaria prout prouide sunt concesse confirmamus, sigillum nostrum presentibus in testimonium appendendo.

(Orig. membran. cum tribus sigillis bene conservatis in archivo ejusdem monasterii apud C. R. Gubcrn. Brunte sub lit. C. n. 4.)