CCXXVIII.

In nomine sancte et indiuidue trinitatis. Vniuersis christi fidelibus presencia inspec- turis . . . Nos Henricus de Luchtenburch Baro illustris . .. Regis boemie .. salutem in domino. Ea que pietatis intuitu, et maxime . . Religiosis viris et piis locis liberaliter conferuntur, scripturarum munimine conuenit roborari, labente quippe tempore possent gesta seu beneficia mortalium in statu suo debito periclitari, nisi studiosis apicibus contingeret perhennari. Ideoque ad vniuersorum noticiam veriorem tam presencium quam futurorum expresse cupimus deuenire, quod nos omnem donacionem graciam ac libertatem vna cum . . Ecclesia in. . Kotyburs cum omni suo iure, que singula nostri progenitores in remedia animarum suarum, ac memoriam sempiternam . . Monasterio fontis sancte Marie Virginis in Sar contulerunt, prout in priui- legiis super hujusmodi confectis plenius continetur pure et simpliciter propter deum, ac ob salutem anime nostre ac successorum nostrorum tenore presencium fideliter confirmamus, presentibus viris strenuis, domino . . Jeskone ac Hamynanno fratribus dictis Crimssin et Persybkone, et.. Budyslao, Militibus, ac alijs quam pluribus fide dignis. In cujus rei perpetuam firmi- tatem presentes munimine nostri Sygilli duximus roborandas, Datum in Luchtenburch Anno domini M°CCC°XXIII°. XII°. Kal. Junij.

(Orig. cum sigillo rupto in archivo ejusdem monasterii apud C. R. Gubern. Brunte sub lit. A. n. 34. Excussum apud Steinbach II. p. 55. Alia litera ejusdem tenoris sonat: .Datum in Saar Anuu domini M"CCC°XXII1°. Sexto Kalendas Februarii" cum sigillo bene con- fervato in eodem archivo sub lit. A. VI. n. 198.)

171