CCCLV.

•Johannes Episcopus Servus Servorum Dei Dilectis filiis . . Trebecensi et Lucensi Abbatibus, ac . . Preposito Chunicensi per Prepositum soliti gubernari Monasteriorum Olo- mucensis Diocesis Salutem et Apostolicam Benedictionem. Petitio Carissime in Christo filie nostre Elizabeth Regine Boemie Illustris nobis miper exhibita continebat quod tam brachium sancte Anne quam nonnulle alie sanctorum reliquie penes clare memorie Wenczeslaum patrem et post eius obitum penes Wenczeslaum fratrem suos Reges Boemie que ad eos iuste pervenerant fuerunt cum devotione maxima custodita quodque dilecti filii Capitulum ecclesie Olomucensis post obitum eiusdem Wenczeslai Regis fratris sui qui in Civitate Olo- mucensi extitit interemptus brachium et alias sanctorum reliquias supradicta penes ipsum reperta tempore mortis sue ad ipsam Reginam rationabiliter pertinentia auctoritate propria asportarunt et occuparunt et adhuc detinent occupata in ipsius Regine preiudicium non mo- dicum et gravamen. Quare prefata Regina nobis humiliter supplicavit ut Capitulum supradictum ac singulares personas de ipso Capitulo ad restitutionem brachii et reliquiarum predictorum compellere de benignitate apostolica dignaremur. Quia vero de premissis et eorum circum- stantiis notitiam non habemus gerentes quoque de vestre circumspectionis industria fiduciam in Domino specialem discretioni vestre per apostolica scripta committimus et mandamus quatinus vocatis qui fuerint evocandi simpliciter et de plano sine strepitu et figura iudicii utrum ad dictam Reginam vel ad eandem Olomucensem ecclesiam Brachium et Reliquie supradicta debeant pertinere vos plenarie informetis et illorum alterum ad quem per infor- mationem huiusmodi vobis constiterit brachium et reliquias pertinere predicta eo primitus per vos in possessione prout iustum fuerit posito eorundem faciatis brachii et reliquiarum predictorum paciflca possessione gaudere. Contradictores per censuram ecclesiasticam appel- latione postposita compescendo. Testes autem qui fuerint nominati si se gratia odio vel timore subtraxerint censura simili appellatione cessante compellatis veritati testimonium per- hibere. Non obstantibus si aliquibus communiter vel divisim a sede apostolica sit indultum, quod interdici suspendi vel excommunicari non possint per litteras apostolicas non f'acientes plenam et expressam ac de verbo ad verbum de indulto huiusmodi mentionem. Datum Avinione V. Idus Octobris Anno duodecimo.

(Ex autographo Regesto Johamiis, papte XXII. anni XII. pari. I. pag: 156. epist. 437. in Tabulariis Vaticaois desumsit Dr. B. Dudfk.)

275