CCXCIV.

fjonradus, episcopus Olomucensis, elargitur ecclesiae B. Marise virginis ante Brunam indulgentias XL. dierum. Datum in Modricz III. Kalend. Junii 1325.

ccxcv.

Johannes, papa XXII. indulget Johanni, regi Bohemie, triennio decimam omnium ecclesia sticorum proventuum ab omnibus ecclesiasticis personis excepto solummodo ordine S. Johannis Hierosolimitani. Dt. Amnione Kalendis Junii 1325.

Johannes Episcopus Servus Servorum Dei Carissimo in Christo filio Johanni Regi Boemie Ulustri Salutem et Apostolicam Benedictionem. Sedis Apostolice copiosa benignitas Catholicorum Principum vota tunc grata liberalitate prosequitur cum erga redemptoris obsequia et defensionem fidelium salubri ducta proposito diriguntur. Sane tu nuper per speciales nuncios tuos ad nostram presentiam destinatos in nostra et fratrum nostrorum presentia exponi fecisti, quod tu zelo fidei christiane succensus ad impendendum opportuna presidia sancte matri ecclesie quam Dominus noster Jhesus Christus proprio sanguine consecravit, teque exponendum obsequiis eiusdem ecclesie et apostolice sedis, toto aspiras affectu per predictos nuncios humili supplicatione deposcens, ut te in tam pio et laudabili proposito confoventes in subsidium negotiorum huiusmodi proptereaque personam et bona tua quelibet es paratus exponere decimam ecclesiasticorum proventuum et reddituum regni Boemie et Comitatus tui Lucemburgensis tibi ad certum tempus pro premissorum supportandis oneribus concedere dignaremur. Nos igitur attendentes eximie devotionis affectum, quem tu ad eiusdem redemptoris nostri et dicte sedis obsequia ardenti promptitudine devotionis ostendis desiderijs gratis inducimur, ut te tamquam inclitum eiusdem sedis filium caritatis interne brachiis ample- xantes tuis in hac parte votis quantum cum Deo possumus annuamus. Volentes itaque celsitudini tue super huiusmodi tuo pio laudabilique proposito favoribus assistere opportunis de dictorum fratrum consilio decimam omnium ecclesiasticorum proventuum et reddituum locorum quorum- libet ecclesiasticorum exemptorum et non exemptorum regni et Comitatus predictorum ab omnibus Archiepiscopis, Episcopis, ceterisque personis ecclesiasticis quibuscumque quantacumque prefulgeant dignitate, seu cuiuscumque sint preeminentie conditionis seu status religionis vel ordinis quibus et eorum alicui nulla privilegia vel indulgentias sub quacumque verborum forma vel expressione concessa volumus suffragari, preterquam a dilectis filiis . . Magistro et fratribus hospitalis sancti Johannis Jerosolimitani, qui contra hostes fidei christiane exponunt iugiter se et sua, quos propter hoc ab eiusdem prestatione decime exemptos et liberos fore decernimus et immunes, tibi concedimus in tuum subsidium usque ad triennium exigendam et etiam colligendam et tibi integraliter assignandam ad ipsius exactionem decime venerabilem fratrum nostrum . . Episcopum Olomucensem et dilectos filios .. Brevenolbensem ac .. sancte Marie Lucemburgensis Pragensis et Treverensis diocesium Monasteriorum Abbates per alias

29*

229

nostras litteras deputantes ut ipsi vel duo aut unus eorum per se vel alium seu alios, quos ad hoc duxerint deputandos de omnibus fructibus, redditibus et proventibus ecclesiasticis dictarum personarum ecclesiasticarum secularium et regularium exemptarum et non exemp- tarum in dictis regno et comitatu consistentium yidelicet ecclesiarum monasteriorum et beneficiorum que habent et obtinent in regno et comitatu predictis secundum modum et morem, ac consuetudinem in exactione et collectione huiusmodi hactenus observatos quolibet anno dicti Triennii in subscriptis terminis levent et exigant decimam supradictam. Siquidem solutionis medietalis decime huius primi anni terminum primum fore statuimus festum nativitatis Dominice primo venturum, secundum vero terminum festum Pentecosten dictum festum nativitatis Domini proximo secuturum in aliis duobus annis sequentibus, circa solutionem huius decime predictis terminis observandis ad solutionem vero eiusdem decime quoscumque exemptos et non exemptos eiusdem decime debitores in dictis regno et comitatu consistentes per censuram ecclesiasticam, ac per sequestracionem fructuum reddituum et proventuum ecclesiasticorum suorum consistentium in eisdem Regno et Comitatu ut premiüitur si expedire viderint appella- tione postposita compellendo. Ita quod fructus redditus et proventus ecclesiasticos alios eorundem extra regnum et comitatum predictum consistentes huiusmodi compulsionis officium aliquatenus non extendant nec ad exactionem huiusmodi faciendam in aliquo casu per se vel alium seu alios, invocent auxilium brachii secularis nisi predictorum non solventium contumacia exigente aliud circa hoc per sedem eandem existeret ordinatum, et ne de moneta in qua predicte decime solutio fiet et fieri debebit, valeat hesitari, et ut vitentur gravamina que propter hoc viris ecclesiasticis interdum consueverunt inferri volumus quod per Episcopum et Abbates Prelatos et eorum singulos et alios subcollectores ipsorum, ipsa decima ad monetam currentem communiter levetur et etiam exigatur iuxta constitutionem super hoc editam in consilio Viennensi ita quod pretextu alicuius cambii debitores et solutores dicte decime non graventur illam tamen eandemque monetam quam recipient vel recipi facient tenebuntur tibi, seu tuo certo nuncio assignare huiusmodi vero decimam exigent et exigi facient secundum taxationem hactenus factam in Civitatibus, diocesibus atque locis Regni et Comitatus predictorum vel ubi nulla huiusmodi certa taxatio fuerit secundum consue tudinem in exactione et solutione huiusmodi hactenus ohservatam. Attentius provisuri ut ipsi et eorum singuli per se et alios exactionem et collectionem dicte decime faciant absque aliquo onere expensarum eorum a quibus huiusmodi decimas exigent, nisi forte eis deficientibus in solutione dicte decime in terminis supradictis ob huiusmodi eorum defectum expensas fieri oporteret, ad quorum restitutionem eos teneri volumus et astringi quodque circa hec, constitutionem eiusdem Viennensis consilii observantes calices, libros, et alia ornamenta ecclesiarum divinis officiis deputata ex causa pignoris vel distractionis capere recipere distrahere seu quomodolibet occupare per se vel alios non presumant prout in litteris nostris dictis Episcopo et Abbatibus directis plenius continetur. Volumus insuper quod prefati Episcopus et Abbates et quilibet eorum omnium reddituum et proventuum ecclesiasticorum eorum decimam ab ipsismet fideliter et integre exigant, ita quod nullus eorum circa hoc sibi indulgeat, set secum in hac parte procedat ac si tali ofliicio in extraneo fungeretur sie

229

quod unusquisque ipsorum in scriptis redigi faciat quicquid pro dicta decima de proventibus suis ecclesiasticis exiget a seipso, exaccionem vero huiusmodi iuxta taxationem decime si secundum eam consueverunt hactenus solvere de dictis ipsorum proventibus facient, alioquin in exactione huiusmodi servabunt consuetudinem hactenus in similibus solitam observari, ac nichilominus in personas illorum ex ipsis Episcopo et Abbatibus, vel Vicariorum ipsorum et aliorum quorum- cumque qui de mandato eorum ad collectionem et exactionem huiusmodi fuerint deputati, quique deficerenj. in solutione dicte decime in terminis supradictis vel in collectione et exactione huiusmodi fraudem forsitan vel malitiam adhiberent excommunicationis tententiam non ligatum gratiam et communionem apostolice sedis habentem, facta sibi fide de satisfactione huiusmodi possint absolutionis beneficium obtinere. Tu vero fili huius laudabilis voluntatis propositum sie evidentis operis executione demonstres divina in hac parte fideique negocia potenter et viriliter assumendo, quod deum propterea tibi retributionem constituas apud nos et dictos fratres nostros commendabilis habearis et in cunctorum conspectu fidelium reddaris propterea graciosus. Datum Avinione Kalendis Junii Anno nono.

In eundem modum venerabili fratri. . Episcopo Olomucensi et dilectis filiis . . Brevenol- bensis et.. Sancte Marie Lucemburgensis Pragensis et Treverensis Dioc. Monasteriorum Abbatibus Salutem etc. Nuper Carissimus in Christo filius noster Johannes Rex Boemie Illustris per speciales nuncios suos ad nostram presentiam destinatos etc. ut supra verbis conpetenter mutatis usque et etiam colligenda et eidem regi assignanda. Cum itaque vos de quorum maturitate fidelitate et circumspectionis industria fiduciam gerimus in Domino specialem ad exactionem huiusmodi decime pro dicto Triennio faciendam iuxta infrascriptum modum per ipsius sedis providentiam ordinatum duxerimus eligendos discretioni vestre per apostolica scripta mandamus quatenus onus huiusmodi vobis impositum suscipientes et exequentes humiliter ac devote vos vel duo aut unus vestrum per vos vel alium seu alios quos ad hec duxeritis deputandos de omnibus fructibus etc. usque seu quomodolibet occupare per vos vel alios minime presumatis, non obstantibus quibuscumque privilegiis indulgentiis Yel gratiis eisdem personis ecclesiasticis vel earum alicui aut dignitatibus seu ordinibus earundem et specialiter Cisterciensi Premonstratensi Cluniacensi Cartusiensi Grandi- montensi vel eorum universitatibus aut personis singularibus sub quacumque verborum forma vel expressione ab eadem sede concessis etiamsi contineantur in eis quod de ipsorum totis tenoribus seriatim, ac de verbo ad verbum plenam et expressam seu explicitam quantumcumque in nostris litteris fieri oporteat mentionem et qualibet alia ipsius sedis indulgentia generali vel speciali cuiuscumque tenoris forme vel expressionis existat per quam de verbo ad verbum presentibus non insertam aut nominatam et singulariter non expressam effectus eorum impediri valeat quomodolibet vel differi. Volumus insuper quod vos et quibuslibet vestrum omnium reddituum et proventuum ecclesiasticorum vestrorum decimam a vobismetipsis fideliter et integre exigatis ita quod nullus vestrum circa hoc sibi indulgeat etc. usque absolutionis beneficium obtinere. Datum ut supra.

(Ex autographo Regesto Johannis papte XXII. anni IX. part. II. pag. 166. epist. 1712 in Tabulariis Vaticanis copiavit Dr. B. Dudik. Confer. Dublier Monument. V. p. 403. ubi habetur bulla ad episcopum Otomucensem et abbates atios hac in re missa).

230