LXIX.

tremens Episcopus Servus Servorum Dei Dilecto Filio Petro Electo Olomucensi Salutem et Apostolicam Benedictionem. Cum sicut porrecta nobis nuper tua petitio continebat Episcopatus Olomucensis adeo in temporalibus est collapsus quod vix adicere posset ut resur- geret, Nos volentes in relevationem Episcopatus eiusdem tibi de opportune subventionis auxilio providere tuis supplicationibus inclinati preposituras, quas in Pragensi et Wissegradensi Pragensis Diocesis, ac Canonicatus et prebendas quos in eadem Pragensi et Wratislaviensi et Saccensi dicte Diocesis, ac obedientias, quas in ipsis Pragensi Wissegradensi et Saccensi ecclesiis tunc obtinehas, sicut et adhuc obtines, tibi per decennium post tempus suscipiendi a te immus consecrationis auctoritate apostolica de speciali gratia duximus reservandos, ita quod illos interim retinere posses licite sicut prius, ac in relevationem ipsius Episcopatus, fructus, redditus et proventus percipere ex eisdem, decernentes ex tunc irritum et inane, si secus super hiis a quoquam qua vis auctoritate conlingeret' attemptari. Verum intendentes tuam Honorare personam et per honorem tibi exhibitum aliis gratiam impertiri, discretioni tue dimittendi vel resignandi libere Preposituras, Canonicatus, prebendas et obedientias supra- dictos infra dictum decennium, quando tibi placuerit, nec non ante ipsam consecrationem Canonicatum et Prebendam, quos in Olomucensi ecclesia obtines in manibus cuiuscumque Episcopi Suffraganei ecclesie Maguntine, vel cuiusvis Abbatis exempti in ipsa provincia constituti, quem ad hoc duxeris eligendum eidemque Episcopo vel Abbat i acceptandi seu recipiendi auctoritate nostra dimissionem vel resignationem huiusmodi, eaque admissa vel recepta conferendi eadem auctoritate preposituras, Canonicatus, prebendas et obedientias supradictos ut premittitur, reservatos infra ipsum decennium, nec non ipsos Canonicatum et prebendam quos in dicta Olomucensi ecclesia obtines, cum illos per huiusmodi dimissionem, resignationem, seu consecrationem vacare contigerit cum plenitudine iuris canonici, ac om nibus iuribus et pertinentiis suis personis ydoneis quas ad hoc duxeris nominandas etiamsi persone ipse vel earum aliqua alias beneficiate existant, et illa cui Episcopus vel Abbas predieti eandem preposituram ecclesie Pragensis contulerint, unum, duo, tria vel plura beneficia ecclesiastica etiamsi unum ex eis dignitas vel personatus existat et aliud curam habeat animarum obtinere noscatur, dispensandi quoque cum eadem persona cui dictum

7

50^

preposituram ecclesie Pragensis duxerit ut predicitur conferendam, ut illam cum predictis obtentis beneficiis. Ita tamen quod dignitatem seu personatum si quam seu si quem forsan obtineat postquam ipsius prepositure corporalem fuerit possessionem adeptus, et fructus pacifice percipiet, ex eadem omnino dimittat, licite retinere valeat, ac inducendi per se vel alium seu alios, easdem personas vel procuratores suos pro eis in corporalem possessionem prepositurarum, Canonicatuum, prebendarum, obedientiarum, iurium, et pertinentiarum pre- dictorum taliter eis collatorum et defendendi inductas, amotis quibuslibet detentoribus ab eisdem, ac faciendi personas ipsas vel dictos procuratores pro eis, illas videlicet quibus idem Episcopus vel Abbas dictas preposituras contulerit, ad eas ut est moris admitti. Illas vero quibus Canonicatus et prebendas predictos duxerit ut premittitur conferendos ad pre- bendas ipsas in eisdem ecclesiis in quibus consistunt, in Canonicos recipi et in fratres, stallo sibi in Choro et loco in Capitulo assignatis, sibique de ipsorum prepositurarum, Canonicatuum, prebendarum, et obedientiarum fructibus, redditibus, proventibus, iuribus et obventionibus universis integre responderi, nec non contrarius auctoritate nostra appellatione postposita compescendi. Non obstantibus generalis Concilii, et qualibet alia constitutione contraria, sive quibuscumque statutis et consuetudinibus contrarias dictarum ecclesiarum iuramento confir- matione apostolica, vel quavis alia firmitate vallatis seu si aliqui apostolica vel alia quavis auctoritate in dictis ecclesiis in Canonicos sint recepti, vel ut recipiantur insistant, aut si aliqui super provisionibus sibi faciendis de dignitatihus seu personatibus in dictis Pragensi et Wissegradensi aut de Canonicatibus et prebendis in Pragensi, Wratislaviensi, Saccensi et Olomucensi ecclesiis supradictis speciales vel beneficiis ecclesiasticis in illis partibus generales predicte sedis vel legatorum eius litteras impetraverint, etiamsi per eas ad inhibitionem, reservationem et decretum, vel alias quomodolibet sit processum, quibus omnibus dictas personas in ipsorum Prepositurarum, Canonicatuum, prebendarum et obedientiarum assecu- tionem volumus anteferri, sed nullum per hoc eis, quo ad aliorum dignitatum seu persona- tuum, Canonicatuum, prebendarum et obedientiarum assecutionem preiudicium generari, aut si locorum Ordinariis et Capitulis dictarum ecclesiarum vel quibusvis aliis communiter vel divisim a prefata sit sede indultum quod ad receptionem vel provisionem alicuius minime teneantur et ad id compelli, sive quod interdici, suspendi vel excommunicari non possint, aut quod de dignitatibus seu personatibus earumdem Pragensis et Wissegradensis ac Canonicatibus et prebendis ipsarum Pragensis, Wratislaviensis, Saccensis et Olomucensis ecclesiarum vel beneficiis ecclesiasticis ad eorum collationem vel aliam quamvis dispositionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem, et qualibet alia dicte Sedis indul- gentia generali vel speciali cuiuscumque tenoris existat per quam presentibus non expressam vel totaliter non insertam effectus earum impediri valeat quomodolibet vel differri et de qua cuiusque toto tenore debeat in nostris literis fieri mentio specialis, vel si dicte persone presentes non fuerint ad prestandum de observandis statutis et consuetudinibus earumdem ecclesiarum solitum iuramentum, dummodo in absentia sua per procuratores ydoneos, et cum ad ecclesias ipsas accesserint, corporaliter illud prestent, proviso quod dicta prepositura

51

ipsius Pragensis ecclesie ac huiusmodi alia beneficia si qua persona ipsa cui preposituram eandem Episcopus vel Abbas predicti contulerint ut premittitur obtineat, debitis obsequiis non fraudentur, et animarum cura si qua eis vel alicui eorum immineat, nullatenus negligatur, plenam et liberam concedimus tenore presentium facultatem. Datum Avinione IIU. Kal. Maii, Anno Octavo.

(Ex autographo Regesto Clementis papt e V. anni VIII. epist. 273. p. 91. in Tabulariis Vati- canis copiavit Dr. B. Dudik.)