CCCXCVII.

J\os Christi ancilla, Soror Margareta abbatissa, Totusque Conuentus Sororum or- dinis sancte Clare in Znoyma notum facimus vniuersis per presentes quod venerabili domine Agneti de Meidenburk Relicte quondam domini Hinconis de Duba tunc seculari, nunc vero sorori nostre karissime pro bonis dotalicij sui habitis in Wirbicz villa forensi, que ab ea emimus iure Hereditario pro trecentis et XL. marcis Morauici Ponderis sexaginta IIU. grossos semper pro qualibet marca conputando, de quibus iam octoginta marcas persoluimus, et XL marcas nunc in festo sancti Georgij martiris proxime venturo persoluere repromittimus.

305

Alias vero marcas que supersunt scilicet Centum et XX marce a festo Sancti Georgij martyris nunc venturo, anno euoluto in festo eodem Sancti Georgii martyris amota omni fuga et occasione sine omni difficultate persoluere repromittimus bona fide. Infra vero tempus illud quod sibi centum et XX. marcas non persoluemus, scilicet usque ad festum Sancti Georgij futuri anni villam que dicitur Babicz et censum XII. marcarum et dimidie ville eiusdem sibi resignamus. Et si per deuastacionem hostilem, aut quomodolibet aliter census predictus dicte domine deficeret, de alijs nostris bonis censum predictum conplebimus in integrum, et sie omnem summam centum XX marcarum in festo supradicto persoluere pro- mittimus eciam si in iudea nos super dampnum recipere oporteret. Quod si in hijs omnibus quod absit promissionibus deficeremus petimus filium domine memorate dominum Henricum de Cyrna Hora ut nos sollicite ad soluendum moneat et inducat. De qua pecunia ipsa domina viginti marcas possit ad pios vsus et ad pia loca iuxta sue deuocionis alfectum conuertere, quantum cui placet. Pro centum vero reliquis marcis bona super terram ubi placet sibi con- petencia et utilia debet conparare, que dum vixerit pro necessitatibus suis de Reuerendi patris nostri Ministri licencia, ac nostre abbatisse retinebit. Post mortem vero Monasterio nostro in Znoyma et nulli alteri nec filio aut filie seu cuicumque amico assignabit, et si assignaret, talis assignacio nichil valet. In cuius rei testimonium Sigillis nostre abbatisse. . et Conuentus fecimus presentes communiri. Petimus insuper Reuerendum Patrem nostrum Ministrum ut ista omnia confirmet, et sigillum sui Officij hijs apponat. Datum aput Znoymam anno domini Millesimo CCC°.XXX°. decimo octauo Kalendas Maij.

(Orig. membran. cum tribus sigillis Isesis in archivo ejusdem monasterii apud C. R. Gubern. Brunte sub lit. F. n. 1.)