CLXXIX.

J^los Conradus dei gratia Olomucensis episcopus. Recognoscimus et ad vniuersorum tam presentium, quam futurorum notitiam volumus peruenire, quod cupientes conditionem ecclesie nostre, ut tenemur, facere meliorem, ac circa ea moueri et intendere, per que oppidum nostrum in Ketschir. per nos instauratum nouiter, possit proficere et in consumatione

136

sui sumere incrementa, cum fideli nostro Hermanditrich, permutationem pro suis laneis, quos aput ipsum obtinebat oppidum, sine quibus idem oppidum et ipsius eommode subsistere tion poterant incole, facientes de libera et spuntanea ipsius voluntate, nulln omnino vi seu coactione interueniente, diligenü super eo tractatu et frequenti prehabito, ac bonorabilium virorum fratrum nostrorum in Christo dilectorum, Jenczonis decani, Sborouis prepositi, Johannis archidiaconi et capituli dicte ecclesie nostre certa scientia et expresso accedente consensu, sibi alios laneos in villa Petrowicz mense nostre pertinentes cum omnibus per- tinentiis, fructibus et utilitatibus eorumdem pro dictis suis laneis dedimus, contulimus, da- musque et conferimus presentibus rationabilitcr atque rite tenendos et babendos per eum et quoslibet suos successores eo iure, quo dictos laneos in Ketschir possedit et tenuit, saluo iure fidelitatis et seruitii, quod nobis et successoribus nostris, quando et guotiens oportUnum fuerit, de eisdem laneis prompte tenebitur exhibere, Huius igitur permutationis et contractus testes, qui aderant, sunt, Henricus de Kittlicz, Johannes de Spiczca, Hechto de Ilossicz, Michael de Borow, Mathias de Hoczmplocz, Waltherus de Fulmin. Franco de Chorina, fideles nostri et ecclesie nostre et quam plures alii fide digni. In cuius rei testimonium nostrum et dicti capituli nostri sigilla presentibus sunt appensa. El nos Jenczo decanus, Sboro prepositus, Johannes archidiaconus et capitulum Olomucense supradicti premisse per- mutationi nostrum uniformiter adhibentes consensum sigillum nostrum ad rei memoriam sempiternam duximus appendendum. Datum in Olomucz Anno domini Millesimo trecentesimo vicesimo primo, IX° Kalendas Maij.

(Ex Originali, cujus sigilla desunt, in archivo archiepiscopali Cremsirii descr. A. Boczek.)