LXXVII.

r etrus dei gracia Episcopus Olomucensis dilecto in Christo Nicolao presbitero exhibitori presencium salutem in domino, Honorabilis vir dominus Budizlaus decanus Ecclesie nostre Olomucensis, Rector Capelle sancti Procopij in Antiqua Brvnna, te nobis ad Ecclesiam sancti Wencezlay ibidem ante Brvnnam parrochialem, auctoritate nostrorum predecessorum a predicta Capella sancti Procopij, que prius plebis ad eandem parrochiam pertinentis curam habebat, translatam et constructam pro plebano et Rectore presentauit, petens a nobis, vt te ad eandem Ecclesiam confirmare ex nostro officio dignaremur, et licet a nostris prede- cessoribus institutum et ordinatum fuerit, vt plebs que prius ad Capellam prefatam in iuribus parrochialibus pertinuit, nec ad Ecclesiam sancti Wencezlai ex causis racionabilibus cum omni iure, quod ad parrochialem spectat Ecclesiam, in sacramentis omnibus suscipiendis ab ea debeat pertinere. Nos tamen consideratis eiusdem Ecclesie facultatibus et iuribus quibus parrochiales Ecclesie sunt obnoxie, tuam confirmacionem suspendimus volentes ab ipso decano et a te, vtrum de assignatis tibi prouentibus congrue sustentari valeas, Jura Episcopalia et alia que incumbunt onera parrochialibus Ecclesijs possis exsoluere plenius informari, et quia Idem decanus de nostrorum predecessorum, nostro eciam accedente consensu certos tibi redditus, videlicet in cottidiano questu, funeralibus, In decimis in agris suis de antiqua Brvnna, et de allodio suo in Lezcouia, et alterum dimidium laneum in censu ibidem in Lezcouia, In decimis quoque de allodio in villa Sewerwicz In decimis eciam de vinea sua, et ortum in Grillwicz usque ad flumen aque Swarzawe, pro sustentacione tua et ministrorum necessariorum, ac aliorum omnium onerum tibi et ipsi parrochie ineumbencium deputauit et eciam assignauit, te ad eandem Ecclesiam sancti Wencezlai ex nostro officio confirmamus,

55

tibi curam animarum in ipsa et administracionem spiritualium et temporalium prout ad nostrum spectat officium committentes, et decernentes, quod tu et successores tui de limitatis et ordinatis vobis prouentibus et obuencionibus esse contenti de cetero debeatis, Jura tamen nobis et nostris successoribus debita, ac archidiaconalia per te et successores tuos, suis temporibus exsoluantur, Pronunciamus eciam quod predicta Ecclesia sancti Wenceslai sicut hactenus est habita, re et nomine parrochialis Ecclesia censeatur, et ab omnibus in posterum habeatur. Omnibus alijs fructibus predicte capelle sancti Procopij in perpetuum reseruatis. In cuius rei testimonium presens scriptum fieri et sigilli nostri fecimus appensione muniri. Datum in Modriz, Anno domini Millesimo quartodecimo, V°. Nonas Maji. Pontificatus nostri anno primo.

(Orig. membran. cum sigillo ex parte Iseso in archivo monasteri i _Aula S. Maria'- apud C. K. Gubeni. Brunse sub lit. G. n. 6.)