126

conuent des godeshrtzes to Hyddenze, des orden van Cyttias, des Roskildeschen stichtes, bekennen öpenbäre vör uns unde vnse nakömelinghe in desser yeghenwar- dighen scryft vor alle den, de ze zeen edder hören lezen to ewyghen tyden, dat wy van rechten reddeliken zäken zyn dar to worden beweghen vmme vnses godes- hüzes beste wyllen unde allen unsen nakömelinghen to ghüde, so dat wy myt ghüdeme vorsäte, yn wolbedach- teme möde under uns endrachtliken vnde na typen räden der yenen, dar vns desse nascreuene dynghe unde ar- ticule van rechtes weghene unses hilghen orden börede mede to verhandelende: alze yn dat erste na räde unde vulbört vnses öuersten des erwerdighen yn god heren unde vadere heren Johannis, abbetes van Cyttias, unde där nßghest myt. räde, wytschop unde wlbört des er- sämen heren vnde väders Johannis, vnses leuen visi- tatoris, abbetes to deme Nyencampe, ök myt wytschop vnde wlbört unses heren van Dobberan, des re- formatoris, des ghelikes na räde vnde wlbört des ghantzen conuentes to deme Nyencampe, so hebbe wy vorkoft vnde vorläten deme irluchteden, höchgebörnen heren unde fursten hern Barnymme deme iungheren, hertoghe to Stettyn vnde fursten to Rugien, vnde synen rechten eruen, to eneme ewyghen koften köpe dat werder de Cynxst ghenömet mit aller syner tobe- höringhe, alze dat lycht yn alle synen enden vnde scheden, in de lenghe van der schede der Zundeschen wysch an achter dem osteren wolde, wente to der Pre- rowe, mit Brunes werder, vör vyf dusent mark zundescher munte, welke vyf diisent mark de vörscreuene here unde furste hertoghe Barnym uns wol vornöghet heft, myt anderen ghüderen in deme lande to Rugien vnde vppe

Jasmunde, de vns vnde vnseme godeshüze bet beleghen zyn, wen de Cynxst was, so dat wol clärer vtwyset de bref, den he vns vppe de suluen ghüder ghegheuen vnde bezeghelt heft, dar vmme wy den Cynxst erghe- nömet gantz unde degher vorläten, so dat wy uns vnde unsen nakömelinghen dar ane nychtes myt aller nuth vnde vruchtsamheyt, de dar nu ane ys unde yn tokö- roenden tyden ynne werden mach, myt wolden, myt holten, myt wyschen, myt müren vnde aller nuth, myt deme höghesten unde sydesten rechte, myt aller her- licheyt vnde vryheyt, alze wy den Cynxst vrygest ghe- hät unde beseten hebben, vnde där to alzo vnse vörevare ene vryg unde quyt ghekoft hebben van den eddelen heren vnde fursten to Rugien, alze van Wysslaue deme olden vnde Wysslaue vnde Zambur synen sönen selygher dechtnysse, den god gnedich zy, wente ze vnse iunda- tores zynt, so dat wol de breue vnser fundarien vt- wysen, de wy van en där vp bezeghelt hebben, dar vmme wy de suluen höuetbreue nynerleyge wys möghen vorantwerden vte vnseme godeshüze, men were dat zäke, dat vnseme leuen vörscreuenen gnedighen heren hertoghe Barnym edder synen rechten eruen der suluen huuetbreue yn welken zäken nöeth vnde behüef were, so schöle wy vnde vnse näkomelinghc en dar ut schiken wäraftighe copien yfte nüchaftyghe transsumpte van des Cynxstes weghen, den men wol mach vor gheystliken vnde werliken persönen vasten louen to henghen, ghelyk den höuetbreuen, vnde de suluen höuetbreue scholen uns unde unsen nakömelinghen vnhulpelik wesen yn alle den stucken vnde articulen, de den Cynxst myt syner tobehörynghe anrören to ewyghen tyden. Dessen vörscreuenen Cynxst myt alle syner tobehörynghe, vth

128

genämen de Zundesche wysch unde de Bardeswysch myt eren tobehöryngen, alze dat ere ghrenze vnde Schede vtwysen, so schole wy unde wyllen myt unsen nakö- melinghen hertoghe Barnymme vörscreuen, vnde synen rechten eruen wären, alze recht ys, unde entfrygen von allerleyge anspräke gheystliker vnde werliker persönen, dede vör recht kömen wyllen unde zyk yn rechte wyl len nöghen Iäten. Alle desse vörscreuenen stucke vnde articule tosämede vnde ßn yewelik by zyk löue wy Johannes abbet to Hyddenze myt vnseme ghantzen con- uente vnde myt vnsen nakömelinghen stede vnde vast to holdende sunder yenygherleyge hulperede vnde ar- ghelyst hertoghe Barnym vörscreuen vnde synen rechten eruen to ewighen tyden. Hir hebben mede an vnde öuer gheweset de ßrwerdighen heren vnde manne: Johannes abbet to deme Nyencampe, her Dy- derik Nordowe kerkhere to Dymyn, her ÜJstnt ÜHOj« tjStt kerkhere to Hart, Hennyngh van Yasmunde, her Godeke van der Osten, ryddere, Clawes Bere vnde Ghert Bere, knapen, vnde mer ßrwerdighe lüde. Hyr vmme to merer vorwäringhe alle desser vörscreuenen stucke vnde articule so hebbe wy vnse ynghezeghele vnde vnses conuentes myt wytschop läten henghen vör dessen bref vnde noch to merer bevestynghe desses breues so heft ene myt uns beseghelt vnse visitator abbet Johan vörscreuen myt syneme vnde synes con uentes inghezeghele, de gheuen vnde screuen ys na godes bört düsent veerteynhundert yär an deme enen vnde veertighesten yäre, in sunte Mertens daghe des hilghen bysschoppes.

129