D. d. Barth. 1449. Dec. 12.

1k Ernst Datenberch wönaftig to deme Oldenhaghen mid mynen rechten erven bekenne unde betüghe öpen- bäre in desseme breue, dat ik hebbe vorkoft unde vor- köpe, hebbe vorUten vnde vorläte mid kraft desses breues to eneme ewigen köpe den ersämen luden her HJCfltÖC iRoltjatt kerkheren to Bard, her Hinrik Woltbrechte vnde her Peter Horst, vörstenderen des kalandes to Bard, vnde vortmer al den bröde- ren ghestlik vnde werlik, de nu sint vnde in thokö- menden tiden möghen wesen in deme vorbenömeden kalande, vör hundert mark sundescher penninge, de my to der nuge wol betälet sint eer der mäkinge desses breues, achte mark geldes iärliker pacht, mid richte vnde mit denste vnde mid al der thobehöringe, nichtes üth tho nemende, also quit vnde vry en tho brükende, also myn väder vöre vnde ik na de vörbenömeden achte mark pacht quitest vnde vriest beseten vnde brüket hebben, vp to hörende alle iäer des negesten sunte Mertens daghe des hilgen bisschoppes in deme dorpe

201

to deme Oldenhagen in deme kerspele to Starkouwe

iodoch vmme sundergher vruntschop willen hebben ge- gheuen de vörbenömeden prestere vnde kalandes brö- deren vör sik vnde ere nakömelinge my vnde mynen eruen den ewigen wedderköp desser achte mark pacht,

Alle desse vörscreuen stucke vnde artikele vnde een ieslik by sik löue ik Ernst Datenberch vörbenömet mid mynen rechten eruen in ghviden trüwen vnde Iöuen den vörbenömeden her ISertlÖe Ütoltjatt, her Hinrik Wolt- brechte vnde her Peter Horste vnde vortmer al den prS- steren vnde bröderen, de nu sint vnde an thokömenden tyden wesen möghen in deme vörbenömeden kalende tho Bard, stede vnde vast to holdende sunder wedder- spräke vnde alle arghelist. Tho gröterer bekantnisse vnde merer bewäringhe so hebbe yk Eernst Datenberch mit witschop myn ingeseghel ghehenget vor dessen bref, vnde tho vulbört myn väder Ghodeke Datenberch vnde tho witlicheit Albrecht Datenberch myn vedder hebben ök ere inghesegele mede henghet myd witschop an dessen breff, de ghescreuen vnde gheuen is to Bard na godes bört veerteynhundert iäer dar na in deme ne- ghen vnde veertigesten iäre, in sunte Lucie äuende der hilghen iuncvrouwen.

202