Wy Hinrick van gades gnäden de older, hertoghe tho Mekelenborch, ffurste to Wenden, tho Stargard vnde Rostok der lande here, bekennen vnde betüghen äpenbär vör vns vnde vnszen eruen vnde vnszen na- kömelinghen an desseme äpen breue vor allen, de ene zeen, hören efte lesen, dat vor vns vnde vnseme räde zint ghewesen de erliken heren des kälandes vnde de ghemenen altaristen vnser stad Nigenbrandeborch vnde hebben ghetöghet eynen vngheseregheden pandbreff, en vorseghelt van den eddelen heren here Otto vnde synem söne here Eggherd, greuen to Vorstenberge, vefteyen mark myt deuste vnde aller vryheyt yärliker pacht vp dat schultamp met hoff vnde höuen vth deme dorpe tho Kobelke to hörende, dar ze an vpghedan vnde to der nüghe wol boreth hadden anderhalff hundert mark güder munte vnde ene were in vnseme lande to Olden Star- gherde, vnde dat zulue güth nu to vns vnde tho vnszen eruen to vorlösynghe van vorsteruinghe weghen der erghenanten heren ys ghekämen vnde ghevallen: so ys vor vns ghewesen vnsze schulte Jacob Klepfel des

278

vörbenömeden schulamptes kläghende van vorvallinghe weghen des güdes zodane pacht den vörbenömeden bereu nicht vormochte där aff to gheuende: so hebbe wy myt vnseme räde ene endracht tusken den heren vnde schulten vorbath ghemäket entliken, dat vnsze schulte vp deme vörbenömeden schultampte myt allen zynen nakömelygen van deme suluen giide, häue vnde höuen schal to der nughe bon den vnde wol betälen den vörbenömeden heren, de nu zint, vnde allen na- kämelyngen bynnen Nygenbrandeborch teyen mark pacht güder wänliker munte yn vnseme lande to Stargherde nu tho sunte Martens daghe neghest to kämende vnde vortmer alle yäre, där wy vnde vnsze eruen vnde vnsze nakämelinge den vörbenömeden vnsen erwerdighen presteren neuen hinder edder invalt ane dön wyllen. Wßret ök den erghenanten heren der vorbenömeden pacht to rechten tiden nicht worde, zo möghen ze panden efte panden läten, wo väken en des bohüf ys, vp de pande ere pacht »emende, sunder vär vnser, vnser eruen, vnser nakämelingen edder der voghede vnses landes. Ok hebbe wy ök vns, vnszen eruen vnde vnsen nakämelingen myt den vnsen presteren be holden den wederköp der vörbenömeden pacht vör hundert mark vinkenöwen täle güder munte, dat wy en dre mante vör sunte Martens daghe scholen wytlik don vnde denne tho sunte Martens daghe nßghest to- kämende bereden vnde tör nughe betälen bynne vnser stad Nigenbrandeborch hundert mark wynkenöwen wän liker munte yn vnsen landen myt der pacht den yär- liken ghebären. Alle artikele to zämende vnde eyn eslik by sik läue wy Hinrik van gades gnäden vörge- nömet myt vnszen eruen vnde vnsen nakömelingen den

279

vörbenömeden vnsen erliken kälandes heren vnde pre-

steren Minder yenegegherleye inual stede vnde vast tho

holdende. Hyr äuer zint ghewesen vnsen leuen ghe-

trüwen vnde duchteghen manne, alze Ludeke Haue to

Basedow, Clawes Vos to deme Eindenbarghe, Achim

Plate, vnsze marschalk, &cfHltt JHoItjatt, Hennink

vnde Hans, vedderen, ghenömet de Pickatele. To gröter

bokantnysze hebbe wy läten vnse ingheseghel banghen

vor dessen vnsen breff, gheuen to deme Brode an deme

klöstere, na der bört vnses heren verteyenhundert yär

an deme eynvndesosteghesten yäre, in sunte Jurgens

daghe des hilghen rideders vnde martelers.