D. d. Barth. 1441. Febr. 1.

lk Curd Moltke, rydder, wönachtich tho Redebertze, myt myuen rechten ernen bekenne vnde öpenbär be- thüghe in desseme breue vör al den ienen, de ene seen efte hören lesen, dat ik myt wolbedachten müde vnde na räde myner eruen vnde neghesten vrund to enem ßwygen köpe hebbe vorkoft vnde vorläten, vorköpe vnde vorläthe myd macht desses breues den erwerdighen presteren her ISßVNÖ iH0lt$3tt, kerkheren to Bard, her Detmer Wunre, her Hermen Scroder, vicca- ryen vnde vörstenderen des kalandes tho Bard, vortmer allen presteren vnde leyen, de nu an deme kalande synt vnde in tokämenden tydeti ynne möghen wesen, vör hundert lubesche mark sundescher pennynghe ghenge vnde gheue, de my to der nüghe wol betalet synt eer der mäkinge desses breues twelff mark gheldes iärliker pacht, myt rychte vnde denste, höghest vnde sydest, vnde mit aller tobehörynghe vnde vrygheyd,

also vryg en to besittende vnde to brükende, alse myne olderen vöre vnde ik nä alder vrygest besethen hebben, alle yar vpthobörende des neghesten daghes na sunthe Mertens daghe, am myne dorpe to Redebertze — —

Vortmer vmme sunderiger fruntschop vnde leue willen so hebben de vörbenömeden kalaiides heren vor syk vnde ere nakömelinghe my vnde mynen eruen ghund vnde gheuen den ewygen wedderköp der vörscreuen twelf mark pacht — — — — __ __ . Were ök dat ik vörbenömede Curd Moltke affghynghe efte god dat syn by my dede, so scholen myne eruen alle stucke vnde artikele vörscreuen den vörbenömeden kalandes heren holden, alse eft ik suluen iegenwardich were. Alle desse vörscreuen stucke vnde artikele vnde enen ysliken by sik löue ik Curd Moltke vörbonömed myt mynen rechten eruen den erbenömeden bröderen vnde kalandes heren: her UmtB iROltjan, her Detmer Wunre vnde her Hermen Schrodere, vörsten- deren, vnde allen bröderen, de där nu syn an deme kalande, to zämende vnde enem ysliken by sik, in güden truwen vnde löuen stede vnde vast to holdende, där nyne nye sette der heren des landes ane hynderen scholen. To högher vorwäryngke vnde merer bekantnysse so hebbe ik myn ingeseghel alse en höuedman myd der erwerdi- gen lüde ingeseghele, alse Hans Swyneman, rädman to Bard, vnde Marquard Rusche, borger darsulues, tho thüghe henghen läten vör dessen breff, de gheuen vnde screuen is to Bard na godes börd verteynhundert iär dar na in deme enem vnde uertigesten iäre, an vnser leuen vrouwen äuende, alse me scryft to lychtmyssen. Ans dem königl. preuss. Provinzial-Archive zu Stettin.

115