D. d. Stralsund. 1448. Jan. 7.

Wy Barnym de iungher, von godes gnäden hertoghe tho Stettin, der Kassuben, der Wende vnde furste tho Ruyen, vor vns viid vnse nakömelinghe vnde vnse eruen bekennen vnde betüghen öpenbäre in desseme vnseme yeghenwardeghen breue, dat wy reddelken vnd recht- liken hebben vorköft vnde vorläten, vorköpen vnde vor- läten tho eneme rechtuerdighen reddelken ewyghen köpe den erwerdighen ghestliken personen Agnes Holthusen, abbatissen, vnde her Jacobo Roperstorp gemeyne bych- tigher vnd allen susteren vnde bröderen dede nu synt vnd alle eren thokämenden näkömelinghen des klösters Marien-Krone des orden der hilghen ewyghen iuncvrü- wen Marien vnd sunte Byrgitten, ghenömet des hilgen sälichmäkers, beleghen vör vnser stad to deme Strales- sunde, in deme stychte tho Zweryn, vor twedüsent mark sundescher munte, de wy vörbenömede hertoch Barnym van densuluen gheistliken persönen beyder conuente tho euer gantzen nöghe van en entfanghen hebben vnde vns van en getellet synt all eer der mä- kinghe desses brßues, hundert mark gheldes vnd iärlike pacht vnde beede der vörbonömeden munthe, de se hebben vnde vpbören scholen alle yär vppe dat fest enes yssliken sunte Mertens dach des hylghen bisscho- pes vte vnsen dorpen vnd höuon vnde vte allen dessen

nabeschreuen güderen vppe deme lande to Ruyen:

Jodoch vmme sundergher vruntsehop wyllen so gheuen de vörbenömeden ghestliken personen beyde sustere vnd brödere vnd ere nakömelynghe vns vnde vnsen eruen vnd vnsen nakömelynghen den ewyghen wedder- köp vnde lösinghe alle desser vörscreuen ghüdere, pacht, beede vnd pleghe. — — — — — — —

Alle stucke vnd artikle desses breites vnde en yewelk besunderghen löue wy hertoch Barnym hertoghe vör- benömet vör vns vnde vnsen eruen vnde alle vnse na- komelinghe den vörbenömeden susteren vnd bröderen vnde 6k allen eren nakömelinghen stede vnd vast tho holdende in güder gunst vnd steder trüwe. Des to thughe und högher örkunde so hebbe wy wytliken vnd vastliken vnse ingheseghel heten henghen vor dessen breff, de gegheuen vnde geschreuen ys yn vnser stad Stralessund, na godes bort veerteyenhundert iär darna in deme achte vnd veerteghesten iäre, des neghesten daghes na der hylghen dryer könynghe daghe. Tüghe desser dyng synt vnse leuen, getrüwen, erwerdighe heren vnd manne her Dyderik Nordowe, kerkhere lo Demyn, her i3«rttD iHoltjatt, kerkhere tho Card, her Hennyngk van Jasmunde, her Curd Molteke, rittere, Gherd Bere vnde Hans Plone, knapen, vnde vele mer andere vnser ghetreuwen.