224

Hiir vöre vorköppe ick em in crafft desses breues, vor läge vnde vorköpe vnde hebbe dat vorläten vnde vor- kofft vör mynen gnädigen heren Hinricke deme iungeren, hertige to Mekellnborch, vorste to Wenden, grauen to Swerin, dat slot to Rosseuissze to eneme ewigen erff- likenn koffthen köpe, mit den büwhäuen vnde mit alleme acker vnde mit allen wäteren vnde weyde, mit mälen vnde myt allen güdernn, allsee Rosseuissze licht in alle sinen enden vnde scheelen, mit alle den güdernn, dede hyr na screuen stäedt, alsze Groten Wenthdorppe, Glaseuissze, Spotendorppe, Sappkendorppe, Lutken Wenthdorppe, Leuekendorppe, Parperde, Poeltze, de Nigehagen, Plawessze, Rampesschendorppe vndeRampes- schendorppe, Mirendorppe, Knegendorppe, Rekenissze, Litsouw, dat velt to Kurllepute, dat velth to Prusken- dorppe, vnde wesz hyr noch to behört hefft, dat ick effte mine vedderen mochten vorsettet hebbenn, alle desze vörbenömeden güdere liggen in alle eren enden vnde scheden, alszee dat sloth, höuen, mallen, büwhäue, dorppe, mit wäter vnde mit weyde, mit wisken, mit mören, mit säelen, mit holte, mid viskerye, mit affvläte, mit tovläte, mit affwege vnde mit thowegen bäuen der erden vnde vnder der erden, mit alleme recht högest vnde sydest, in hant vnde in halsz, där benedden nicht vthgenämen, ick edder myne eruen dat mit alle nicht ane to hebbende edder to beholdende vnde ök nichtes ane wärnde wesen in tokämende tyden. Vnde ick Curdt Nortmann vorläte dessze vörscreuen güdere vör alle, vör my vnde vör mine eruen, Vickken Veereggen vörbe- nömet vnde sinen rechten eruen vnde wil see em vor- lätenn, wör ick see van rechte vorlätenn schal, wo dykke vnde wo väken wo em desz nöedt vnde behöff

225

isz, vnde ick Curdt Nortman vnde myne eruen scollen Vickken vörbenömet vnde sinen rechten eruen desz güdesz wären vnde entfrygen vor alle anspräke geystlick effte werlick vnde vör alle dee iennen, dede recht geuen vnde nemen willen. Alle desse vörscreuen stuckke vnde ein Islick articule bii sick läue ick Curdt Nortman vor my vnde minen rechten eruen Vickke Veereggen vörbenömet vnde sinen rechten eruen in güden trüwen stede vnde vaste vnde vnbrecliken to holdende sunder ienigerleye eede effte rechtganck, noch geystlick effte werlick, vnde sunder ienigerleye invunde nyge offte oldt, dede my vnde mynen eruen mochte to främen kämen vnde Vicken vörbenömet vnde sinen rechten eruen mochten to scäden kämen, vnde to trüwer hant Lutke Hane wänafftich to Baesdouw vnde sinen rechten eruen, giacfjtm vnde üUttfte genömet dee ÜtOjt* 0301t beyde wänafftich to demeWolde vnde eren rechten eruen, 2Ltlt¥l£ iHOÜöatt wänafftich to deme Grubenhagen vnde sinen rechten eruen, Otte vnde Clawesz genömet dee Moltken beyde wänafftich to deme Stridtvelde vnde eren rechten eruen, Clawes van Oldenborch wänafftich to Gremmellin vnde sinen rechten eruen, Gunter Fyneken wänafftich to Karouw vnde sinen rechten eruen: dit läue ick em alle vnde myne eruen. Desz to merer bekantnissze vnde gröterem löuen hebbe ick Curdt Nortman myn ingezegel henget nedden vor dessen öpene breff mit willenn vnde mit witsscop vor my vnde myne eruen. Hyr hebbenn an vnde äner we- senn: dee duchtighe Lutke Hane wänafftich to Baess- douw, HutftC iHoltsaat wänafftich to dem Gru benhagen, Otte Moltke wänafftich to deme Stridtuelde, Gunter Fineke wänafftich to Karouw, dede alle vmme

miner bede willenn ere ingesegelle tho tüge hebbenn henget vör dessen öpenen breff mit willen vnde mit witsscop, screuen na den iären vnses herenn düsent veerhundert in deme vefftigestenn iäre, in der eluen- düsenth iuncfrouwen äuende.