Wy her Hinrick, de pröuest des landes to Rozstok in der kerken to Zweryn, her Nicolaus Nygendorp, en ewegh vicarius in der suluen kerken to Zweryn, her Johan, de kerckhere to Waryn, Henneke Babbe, Hinrik Snakenborgh, Hartwigh Jezeuitze, Hinrick Babbe vnde Henneke Holzste, knapen, bekennen vnde betüghen

öpenbäre in desser scrift vor alle den genen, de dessen

bref seen vnde hören lesen, dat wy dar öuer wesen

hebben vnde weren myt anderen velen ghüden lüden

vnde vs wytlik is alse tüghen, dat de ßrbäre vrüwe

vor Alheyd, Clawes Kerckdorpes wif, was vnde

stund vör vseme heren byschop Frederike van Zweryn

vnde vorleet vnde gaf vp deme erliken manne UertOlÖ

iHoltjattC vnde synen rechten erfnämen ere lifghedyngh

vnde weddeschat in deme dorpe to Gralowe an seuen

höuen seuene vnde twyntigh dromet kornegheldes twyger

schepel myn vnde verdehalue lubesche marck pennyngh

gheldes vnde bad van deme suluen byschop Frederike,

de suluen seuen höuen deme suluen UeftoIÖ JStOl«

tjane to lenendc, alse van rechte scholde, de de sulue

liJertOlO iHoUiatt van Clawes Kerckdorpe ereme

manne myt ereme wyllen vnde vulbörd vnbesuchted

ghekoft hadde vnde heft myt alleme rechte vnde vryg-

heyd to manrechte, alse Clawes ere man de seuen höuen

aldervrygest beseten heft vnd hadde, där nicht meer vp

to säkende. To bekantnisse vnde betüghynghe der

wärheyt so hebbe wy vörbeschreuenen vse ingheze-

ghele ghehenghed läten vor vnde an dessen bref, de

gheuen is na gades börd düsend iär drehunderd iär in

deme twe vnde seuentighesten, des sundaghes na sunte

Dyonysius daghe des hylghen byschopes vnde merteleres.

25