109

van der baluen hü neu, de ick van vnseme gnedighen heren hertoge Barnym hebbe gekofft, quyd vnde vryg, myt aller herlicheif, vnde den erueköp bebbe koffl van Clawes Patemolschen, alsze de vörbenömede halue lu'iue licht myt den anderen hüuen to mynem höue, myt wy- schen, weyden, wäteren, mören, holtynghen, alsze vör- screuen steyt, sunder ißnigherley hinder edder wedder- stal myner vnde myner eruen, vnde wen den vörbenö- meden presteren vnde eren nakömelingen des behüf is, so mögen se de vörbenömeden vyf mark gheldes iär- lyker pacht vtpanden vnde de pande driuen edder vüren, wör id en dienst kumpt, sunder hinder edder wedderstal myner vnde myner eruen edder lemendes, de in n.ik.i- menden tyden den vörbenömeden hof bewänet, vnde de hüue myt der vörbenömeden haluen hüue büwen, my vnde mynen eruen dar nicht ane to beholdende, vnde wyse se vnde ere nakömelynghe an ene Iiflike vrede- säme besittinghe der vörbenömeden vyf mark geldes. Weret dat desse vörbenömeden prestere edder ere na- kömelinghe desse vörbenömeden vyf mark gheldes vor- setten, vorbuten edder vorköpen wolden, des scholen se vulle macht hebben, vnde weme se de vorköpen ed der vorsetten, den wil ick Bernd Vryghehoue myt mynen eruen deszen bref holden, alse he vthwiset, yn allen synen articuln, lyke en suluen. Desse vyf mark gheldes wil ick myt mynen eruen en vnde eren nakömelinghen wären vnde entvrygen van allerleye anspräke, ghestliker vnde werliker. Wodoch vmme sundergher vruntscop vnde leue willen so hebben de vörbenömeden prestere vör sick vnde ere nakömelinghe my vnde mynen eruen ghunt vnde gheuen den ewyghen wedderköp desser vör- screuen vyf mark gheldes, wen yck edder myne eruen

en tovören tözegghen to enem sunte Johannis baptisten daghe to myddensamere in der stad to Bard, vnde dar- zulues schal ick edder myne ernen en edder eren na- kömelinghen betälen reddelyken tu dem negesten sunte Mertens daghe twe vnde sostich mark höuetstöls sun- descher penninghe vnde vyf mark pacht der vörbenö- meden munthe to der nöghe, vppe ene tyd, an ener stede, sunder vurder vertoch. Alle desse vörscreuenen stucke vnde articule vnde islyk by sick löue ick Bernd Vrygehoue mit mynen rechten eruen den vörbenömeden heren' alle tosämende vnde eneme yslyken besunderghen in güden trüwen stede vnde vast tho holdende sunder argelist, dar nyne nye sette der heren des landes edder der stede ane hinderen scolen. To gröterer bewäringhe vnde bokantnusse so hebbe ick myn ingezegele vor my vnde myne eruen vnde myne brödere, alse her Godeke, kerkhere to der Elmhorst, vnde Henningh, gheheten Vrygehouen, wänaftich to deme Wustenhagen, vnde Pawel Spekyn ere inghezegel to tüghe vmme myner bede wyllen mede läten henghen vör dessen öpenen bref, de gheuen vnde screuen is na godes börd veer- teynhundert iär darna in deme vertighisten iäre, des neghesten daghes der hillighen dryer koninghe.

111