D. d. 1464. März 20.

Wy Otto van gades gnäden to Stettin Pamern her- toch vnd forste tho Rugen bekennen äpenbär vnd be lügende in vnd mit macht disses breues, dat wy vnsen besundrigen heren und frunden dem bischop van Cain- min, graue Albrecht van Eberstein vnd Newgarden vnd allen andern reden, prälaten, heren, mannen vnd steden vnsers landes tho Pamern, vnsen leuen getrüwen, vm sundriger gunst vnd gnäde willen hebben thogegeuen allen vnmöet vnd vnwillen, eft wi welken gegen sie gebat hebben, woran die entstäen mochten, vnd willen ere holde vnd gnedige here syn, sie beschutten vnd beschermen, ök bystendig vnd behulplik in allen eren wedderstellen wesen getrüwliken, wenn und wöer dat nöt ist, na vnsem vermögen. Wy willen ök nene merk liche gröte kriege anfangen, ök nene vogede setten, ahne räht vnses gemenen rädes, ök enen idliken, de vns

326

folget, gelden und gäuen, vnd vör schaden stäen, na alder gewänheit. Wy scholen ök enen idliken in steden, dorpern, klöMern efte wör he besetten is, läten by allen herlicheyden, frycheiden, wänheyden, he hebbe dat van vorsegelden brefen, Privilegien, Urkunden göder bewy- singe, alse dat van olders in wänhcyt und göder besit- tinge ein idtlick gehefft, ök enem Jedermann rechtens behelpen na geböer, roof, mordt vnd vnrechte gewalt stären, vnd de lande na vnsem besten vermögen frede- sam beschermen, ök enem idliken syn lehn lyen, so he dat sö het, als he dat dorch recht plicht heft, vnde nit verseggen. Weret ök dat iemand verstorue sonder lyveserven vnd dochtere lete, se scholen eres vädern lehen besitten tho erem leuende. Sint ök veddern van ener nahmen, Schilde vnd ener gebört, deme willen wy lyen de sämende hand, wenn se de eschen na geböer. Verstorue ök iemand vnd syne lehn queme an de her- schop, vnd synes erves so vele nit wert were, dat man de schulde gelden konnde, so schal dat lehen schulde gelden, so ferne alse idt wendet. Wi willen ök den färenden köpmann beschutten vnd beschermen vnd by allen rechten laten, vnd werd he ienigen schäden nemen in vnsen strömen vnd stranden, vnd funde, er mochte syn göedt suluest bergen, des schall he geneten, sonder weret dat he hulpe dar tho eschet vnd kricht, so schal he den drüdden pennink bergegelt geuen. Wy willen ök ere privilegia vnd gerechticheit holden, de bestedi- gen vnd vornyen, wen dat nöth is, in mäten de vören gewesen sind; willen se vnd de lande tho Pamern num- mer van ein scheiden efle delen, sondern sc tho höpe läten vnd enen idliken by alle deme rechten, als dar he inne beseten is, iedoch vnschedlik vns, vnser her

327

schop, vnd an vnser herlicheit, ök au vnsen tinsen, Schloten, emptern vnd vpheuinge, de wi beholden scho- len, iederman na syner anthall, alse sik dat geböret. Weret ök, dat got vorbßde, wie iemand van en vor waldigen, vnd se vns darumme beden, den by recht tho läten, vnd wi vns des den wegerden, vnd vns tho rechte nit thokämen wolden läten, so mögen se sich tho enem andern Stettinschen heren setten, so lange wi en by rechte läten, vnd nicht henvörder. Willen ok, dat man unsem cantzler vor de leben breue nit mehr geuen schal, wenn enen gulden, vör lyffgedinge eneii halfen gulden vnd ene idlike Stadt vör ere confirmation vnd vornyinge veer gulden, vnd nit mehr. Scholen vnd willen ök vnde läuen vör vns vnd vnse erven vnd nakämen, dissen bref an alle synen stucken vnd clau- sulen stede, fast vnd unverbräken tho holden, ohne arch vnd gefehrde, mit krafft disses brefes. Hyr an vnd äuer sind gewesen vnse leuen heren vnd ohme die dorchluchte höchgebärne forste vnd here tho Branden- borch, kohrforste, des hilligen Romischen ricks ertz- kemerer vnd borchgraue tho Nörenberch, mit synen veddern, vnd fgtttticf) ü)Oltjatt> marschalk des landes tho Stetin, ehr Jasper van Guntersberge, comptor zu Wildenbroke, Hinrik Wussow, Hasse vnd Hans van Wedel tho Krempzow, Lütke van Scheninck, Roloff Kussow, Claws Dosse vnd gemenliken die raht tho Pamern van mannen vnd steden. Tho vrkunde vnd güder vestinge disses allen vörgeschreuen ist tho Nyen Stargard disse bref gegeuen vnd geschreuen vnde hebbe alda vnse majestatinsegel anhengen läten, dings- täges vor Palmarum, in den iähren vnses heren 1464.

328