45.

Ich 3)0arf)tm iHaltjatt, des heyligenn römi schen reiches freiherre zu Warthenberg, Pen- czelyn, des herzogihums zu Stetyn vnnd fur- stenthums zu Wenden erpmarschalk je. bekenne mit disem brieff menniglich, das ich mit den erbtsamen meynen armen lewthenn scholtze vnd gepawrenn des dorffes Pawelsdorff wegen der iagt entlichen vnd ewigen beschlosz gemacht vnd begriffen habe nachvol- gender meynung: Erstlich hab ich ehn den hellerczinsz, so mir ierlich geben», auch alle hofferbt, sampt dem czinshaber, alle erunge an zinshuner n vnd eyer n gentz- lich vor mich, meyne erben vnd nachkommen nachge lassen; sy sullen auch aller ander fure, die andre meyne vnderthane zu allirley notdorfft des schlosz, stadt vnd vorwerg thuen, gantz frey seyn, alleyne wenn das ganze landt wes erbt aber furet, sullen sich auch vom lande nicht scheyden; sage ehn auch zu die walderbt an stellen, die ehnn angezeiget wird, wil auch keynen andern in den welden ken Pawelsdorff gehorig die walderbt, weydassche vnd pech zu erbten vorgonnen;

102

hynkegen sullen benanth lewthe mir, meyn erbenn vnd nachkommen, so offte man schufft, mit funff wagen die nefze zu furen, vnd die so nicht furen, auff die iagdt beyn netzen gehen, alles vff ire eigene vnkost, darzu weder essen noch trinckenn ehn gebenn sal wer den!); des sie sich denne vor sich, ire erbenn vnd nach- komen gutwillig bewilliget haben. Was auch etliche, so freiheit vnd brieff gehapt, belanget, dohyn beredt: vor die freiheit, so Marzyn Kortzel der hofferbt halben gehapt, hap ehm ierliches zinses acht grosschen, so er von der wezen, vnder dem teyche Czobulnykunt gele gen, gegeben, ehm, seyn erben vnd nachkomen ganz nachgelassen; auch von eyner wustunge, dauon ierlich drey virdung gibt, vier iar freiheit vnd nach awsgange der vier iare, wo die wustunge nicht besazt, so sal Marzyn Karzel, seyne erben vnd nachkomen vmb den zinsz vor eynem andern neher seyn, ierlich drey fir- dunge zu zinsen, vnd also sal er den andern mit der fure der netze vnd den netzen nachzugehen vorgleichen. Gola auch vnd Frantz Sobiery, vnder welchen itzlicher sechsdehalue firdung gezinst vnd halbe erbt gethan, hab ehn solichen zinsz vnd hofferbt beiden vff eyn halp schog gelassen, also das eyn ider fortan ierlich funff- zehen grosschen zinsen sullen vnnd mit der fuer vnd ne tzen nachgehenn sich den andern vorgleichen. Item Peter Rugk, der eyne halbe marg gezinst vnd die andern zu dreyen firdung, so sal er zwu furen, wenn isz vff en kompt, neben den andern die netze furen vnd mit der dritten fure verschonet werden, mit aber dem nachgehen der netze andern vorgleichen. Item — — — — — — — — — — Item ich hap mich auch be williget vnd sal zu Pawelsdorff eyn netzhawsz vnd eyne kemnat bawen, auch die brucke vber die weide vff meyne eygene kost inachen lassen, darzu sy das holcz zum baw vnd brucke furen. Item — — — — — Aws sundern auch gnaden hap ich den lewthen zugeben, welcher eyn schweyn vor den hunden schiebt, eyn gro

103

sschenn, vom grossen huendtschweyn zwene grosschenn vnd das eyngeweydt; sticht es aber imandt im netze, sal ehm volgen~das eyngeweyde, plawze vnnd leber awsz dem schweyn vnd sunst awsz keynem andern vvylde. Isz sullen auch obgenante von Pawelsdorff die wilde huttunge vff Slonaw vnd Medzbor haben frey ane vorhinderni.NZ, alleyne wo die eicheln gerathenn, sullen sie sich mit mir, meyn erben vnd nachkommen vor tragen. Tzu vrkundt hap ich meyn ingesigel vor mich, meyne erben vnd nachkommen hiran lassen hengenn. Ge- schenn vnnd gebenn zu Wartenberg, montags nach Ocuii, nach Cristi gepurt funflzehenhundert vnnd im eynvnd- dreissigstenn iare. Dabey seyn gewest die erenvehsleu Leonhardt Pritwitz, Mathias üorsnilz vnd Hans Ro"r.

Nach dem Originale, auf Pergament, in einer kleinen, etwas undeutlichen Minuskel, im fürstlich-bironschen Archive zu P. Wartenberg. Das Siegel fehlt an dem Pergamentstreifen.