101.

D. d. Wartenberg. 1550. Jan. 6.

Durchlauchtigen, hochgebornen Fursten vnnd her- ren. Meine vnderthenige, gantzwillige Dienste sein E. f. g. zu ider Zeit zuvoran bereit. Gnedigen Fursten vnnd Hern. E. f. g. jungsten gnedigen zuschreiben nach will denn handell weiter antzureigen nicht vnterlassenn vnnd der Kon. Rom. Mt. meinesz allergnedigsten hern gnedigiste Vorschrift nach abermalen in Diemuth bitten, E. f. g. geruhen einenn geraumen tagk auff gelegene stelle zu bestimmen vnd bei kegenwertigen mir schrift lich denn tag vnd stelle nhamkundig machen, alszdanne will ich mich dar zw schickenn, denn handell abzu- helffen. Dieweill es aber ahn einem Obman mangelnn mochte der vnparteisch, so achte ich darfür, das graff Andres von Gorcka starosz zu Posen dartzw zw vermugenn wehre, so E. f. g. vnd ich alsz beide part

213

in darumb schriftlich ahnlangen wardenn, Aber alsz- danne mussen wir vnsz eins tags verglichen vnnd stelle ernennen, die ime gelegen weren. Aber der aller neg- sler wegk wehre, wen E. f. g. meinen jungsten zuge- schriebenn vorschlag gnediglich wollen annehmen vnnd deme also folge thun, dan die sachen schickenn sich itzundt also, das ich E. f. g. in kurzer fr ist Dienste ertzeigen magk, die E. f. g. vnd der- selbenn landt vnd leuten vile mhal nutzlicher vnnd zutreglicher sein mugen, denn die summe, so ich fordere, sich erstreckt. Was nhun hir inne E. f. g. gnediglich geliebt, das geruchen mir E. f. g. bei kegenwertigen schriftlich zu erkennen geben. Thu mich hirmit E. f. g. dienstlich beuelendt. Datum zu Wartem- bergk, die Trium Regum, 1550. E. f. g.

gantzwilliger, vndertheniger diener

gjoacftim ifflaltjatt,

Freyher zu Wartenbergk, Pentzlin »c. manu propria.

Denn durchlauchten hochgebornen Fursten vnd hern, hern Barnim vnd hern Philippo zu Stettin, Pommern :c., meinem gnedigen hern.

Iren f. g. samptlich vnnd sonderlich zu handen.

Nach dem Originale im königl. preussischen Provinzial-Archive zu Stettin.

214