5XIX.

Timm und Detlef Bisticse verkaufen dem Kloster 3 Mark 12 Schilling Goldes im Dorfe Havechorst. S. Joh. 1376.

Wy Tyme unde Detelef Bisticse ^), Brodere, Knapen, bekennen unde betughen openbare vor alden, de dessen Bref seen edder hören, dar wy, van Volbert unser Suster, Vorn Abelen, unde alder jenen, de dar to hören, dar wy vorkoft Hebben dre Mark unde twelf Schillinghe Guide, de wy hadden in drudderhalven Hove in dem Dorpe unde Gude tho der Havechorstde uns Johann Brucowe setted hadde tho Wedde- schatte, unde Hebben desulve Gulde uppe laten vor unsem Heren Greven Alve van Hol sten, Hern Johann dem Proveste unde dem Closter tho Poretze unde Eler fast to deS Closters truwe Hand, mid aller Nut unde Wrucht unde Wryheyt, alse se beleghen sind unde alse wy unde unse Suster, Vor Abele, desulven Hove unde Gulde vrygest beseten unde had Hebben, unde Hebben den ersten mid dem testen Penninghe vor bat sulve Gut up ghebaret van dem Proveste, unde is tho unse Nut ghekomen, unde willen den Pro- vest unde dat Closter vrygen in dem vorbenomeden Ghude van aller Ansvrake, de se mit Rechte hinderen willen, binnen Zar unde Daghe, alse wy van Rechte scholen. Alle desse vorschrevenen Dingh love wy vor uns unde unse rechten Erven, stede unde vast to holende sunder jenegherleye Zur, Helperede edder Arghelist. Dit love wy ok to truwer Hand des Closters Hern Breyden van Rantzowen, Henneken sinem Sone, Hin- rich van Sigghem unde Hinrich unde Volrad Steen, Broderen, alse hir vorscreven is in dessem Breve, stede unde vast to holende sunder Zur. To eyner Betughenisse der Warheyt, so hebbe wy unse Jngheseghele vor dessen Bref ghehenghet, de gheven is na Ghodes Bort drutteynhundert Zar, in dem sos unde sevendstighen Jare, tho Nyenmun- stere, in sunte Johannis Daghe, de heten is de achte.