CXVI.

SSrebe фтпф in ©pê1enrabe »ertaufфt feine Sßiefe bei ber <&щпeЪхк gegen ein ©eДО1& beê Ä1ofterê 2irenêbôt Sutfe b<т[фe S8rof 1514, Suíi 28.

(F. 106, 2, No. iO.)

Allenn christenen luden, de dusse schrifft seen ofte horen lesen, sy kunth unde apenbar, dat wy Johannes Prior unde gantze Convent des closters thor Arnsboken Car- thuser orden Lubessches stychtes, vor uns unde alle unse nakomelinge mit wolbe- dachtem moede unde uth friem willen hebben vorlaten unde overgheven, vorlaten unde overgeven jegenwardich in krafflt dusser schrifft, deme beschodennen manne Brede Hinrick, wonhaftich thom Ghyslenrade in deme karsßell tho Szarouw, em unde sinen erven unde nakomelingen, besytteren des erves, dat nu desulve Brede Hinrick buweth unde bewaneth, tho ewygen nakomenden tyden by deme sulven erve unveranderth tho blivende unse unde unses cloesters holt, genomet dat lutke Densche bruk, in allen synen scheden, mit allen synen thobehoringen, alse mit allem holte, weeck unnde hardt, mit aller grunth unde mit masth, mit aller frucht, wo de mach genomet werden, up Steenradervelde belegen, alse he, na irkantenisse unser unde siner frunde. datsulve hefl angenamen vor sodann wysch mit allen eren thobehoringen, mit der grunth, droege unde nath, ock mit aller frucht, wo de mach genomet werden, alse mit stouwinghe unses dykes thor Swynekulen em unde synen nakomelingen affgestouwet ist, unde noch mach affge- stouwet werden. Unde is also besprakenn, dat desulve Brede Hinrick alle holt, ock dat Egkenholt, dat in deme sulven lutken Denschen bruke steit unde noch wassen mach, frigh schal bruken na synem willen, unde wes darvan kumpt, dar mede wissche raden unde upprumen lathen, unde sus sine erve vorbeteren, mit sodanem beschede, dat de grunth ewichlick by deme sulven erve bleve, wo baven geschreven is, unvorandert. Unde de gemenen buren thom Ghyslenrade offt jemant van en ock ere erven unde nakomelinge scholen unde moegen sick nenerleyewise underwinden offt gebruken in jenigen thokamenden tyden dessulven lutken Denschen brukes effte des holtes, weeck offte hardt, ock der masth, sonder des bovenschreven Hinrikes, siner erven unde nako melingen willen unde vulbordt, aver datsulve lutke Densche bruk schal in thokamenden

152

•ewigen tyden allene by deme bavenschreven erve blyven. Unnde hirmede schal alle twist unde Unwille twisschen uns unde unsen ehestere eyns, unde demesulven Brede Hinrick, dersulven wyssche halven, anderdeels, irressen unde entstaen, gestillet unde bigelecht sin. Hir an unde aver sint gewesen de thuge underschreven. . Unde des tho groterem loven unde vastheidt aller bavengeschreven stucke sint desser tzedelen twe eynes ludes, de ene uth der anderen gesneden durch dat wordt Arnssboken, der eyne by uns unde die ander by gedachtem Brede Hinrick is unde bliven schal. Dit alle is gehan delt unde bewyllet by demsulven lutken Denschen bruke durch uns Johannes Prior bovenschreven, Johannem Wikbolt schaffere, broder Reinoldt Vageth, unde Brede Hinrick bovenschreven; ock in jegenwardicheit der duchtigenn Hinrick Waelstorp tho Glasow, vorbidder des dorpes Ghyslenrade bovenschreven, unde Hartich Mestorpp tho Boghe wanafflich, unde der bescheden Thies Grauwe tom Steenrade, Lauerens Buge thom Holstendorppe, Brede Hinrick des olderen tho Ghislenrade unde Brede Hans, thor Arnesboken wanhafftich, de dussen bavenschreven handel also gemittelt unde alle baven schreven stucke mede beseen unde behoret hebben. Am jare na Christi, unses heren gebordt, voffteinhundert darna am vortheinden, des Fridages na dem dage Sancti Jacobi des hilligen apostels. Unde noch tho groter sekerheit aller bavenschreven stucke unde artikele hebbe ick Johannes Priof bovenschreven dussen breff mit mines Amptes Sigell vorsegelenn heten unde doen mit wittschopp.