LVI.

£erjog £>ttmd) unb ©mf $тпф conftrmtren ben »orfteï)enben £<mbel.

1414, gebruar 2,

(F. 29, No. ôi.~)

In Gades namen Amen. Wy Hinrich Hertoge tho Sleswjck, unde Hinrick van dersulven gnade, beyde Greven tho Holsten, Stormeren unde tho Schowenborch, doen witlick alle den gennen, de dessen jegenwardigen breff seen edder horen lesen, unde be kennen unde betugen apenbare in desser schrifft, dat in unser jegenwardicheit hebben ge wesen unse leven truwen man Bartolt Rennow, Graden sone, unde Henneke Kreye Rennow, knapen, unde bekanden apenbare vor uns unde unseme Rade, dat se mit willen, vul- borde unde wolberadenem mude eres unde erer erven unde alle der genner, der ere 'vulbort dar tho thoesschende was, redeliken unde rechtliken hadden vorkoft unde uppe

10

74

laten, unde vorkollen unde upleten vor uns unde unseme Rade in desser schrilll deme erliken vorsichtigen mahne, her Peter van der Lynden, prestere tho Lubeke, unde deme gennen, de dessen breff mit synem willen hefl, geistlick offte werlik, vor viffbundert mark lubesscher penninge, de en desulve her Peter van der Lyndeh, alse se vor uns bekanden, gante unde vull bethalet hadde tho erer noghe, mit redenn thelleden lubes- schen penningen by en entfahgen, unde de se vort an ere unde erer erven hottrnstlge nut uthegeven unde keret hadden, ere beyden dorpe tho Lubbatze unde tho deme Borne, belegen in deme kerspele tho Pronstorppe, in deme stichte tho Lubeke, mit ackere buwet unde ungebuwet, hoven, wysschen, weyden, dykön, wateren, waterlop, stouwinge, vysscheryge, holte, kolinge, inwege unde uthwege, mit alleme egeiMome, richte unde rechte, overst, middelst unde sydest edder mynst, alse de belegen sint in eren enden unde schedingen, unde gantzlyken mit alle eren thobehoringen, nicht uthe- nomen, en unde eren Erven dar nichtes ane thobeholdende, also dat desulve her Peter unde sine nakomelinge mogen desse sulven dorpe mit alle eren thobehoringen gante offte ein deel edder renthe dar ane vorkopen, vorgeven, vorsetten, vorpanden unde ummebringen na eren willen an geystlyke offle an werlyke personen sunder erer offte erer erven edder anders jemandes nye vulbort dartho thoesschende. Desser sulven dorpe Lubbatze unde Borne schal unde mach desse vorschreven her Peter unde syne nakomelinge mit alle eren thobehoringen vry bruken, hebben unde besitten tho ewigen tyden, alse Bertoldes unde Henneken vorschreven olderen der vore unde se na ye vryest bruket unde beseten hebben; unde wysen unde setten dessen sulven her Peter unde syne nakomelyngen in de were unde besittynge desser dorpe vorschreven unde alle eref thobehoringe in desser schrilll. Ock schollen unde willen Bertolt unde Henneke Rennowen vorbenomet unde ere Erven heren Peter van der Lynden vorschreven unde sinen nakomelingen desser dorpe ergenomet mit alle eren thobehoringen waren, vryen unde entweren van aller ansprake enes jewelken, de vor recht kamen will, up ere unde erer erven eghene koste, schaden unde eventure. also ock inneholden unde uthwysen desser vorschrevenen Bertoldes unde Henneken breve, de ock uppe dessen sulven koep' ge- schreven unde besegelt sint. Unde wy Hinricke, hertoge tho Sleswick, unde Hinrick, bevde Greven tho Holsten, Stormeren unde tho Schowenborch vorbenomet, hebben dor bede willen Bertoldes unde Henneken vorschreven unde erer erven dessen sulven koep desser twyer dorpe vulbordet, vryet, egent, vestet unde stedegeth, unde vullborden, vryen, eghenen, vesten unde stedighen in desser schrifft, uns unde unsen erven dar nichtes ane tho beholdende. behalven mene landwere unde wat dat mene landt doeth. Jodoch dor sunderliker gunst unde vruntschop willen heft desse sulve hef Peter van der Lynden vor sick unde sine nakomelinge ghunt unde overgeven, dat Bartolt unde Hen neke Rennowen vorbenomet unde ere erven, dewile dat se leven unde waren, unde na

75

erer aller dode wy unde unse Erven unde nakomelinge mogen alle jare tho ewygen tiden uppe lychtmissen desse vorschrevenen dorpe Lubbatze unde Borne mit alle eren thobehoringen wedderkopen vor viffhundert mark lubesscher penninge, den holder desser breve mit her Peters wyllen ergenomet, binnen Lnbeke tho bethalende umbeworen in eyner summen mit penningen, de den tho Lubeke genge unde geve synt, den wedder- koep en jar thovoren upthoseggende. Unde wy Hinrick Hertoge, unde Hinrick, Greven tho Holsten, Stormeren unde tho Schowenborch ergenomet, hebben tho tuchenisse unde vorwaringe aller vorschrevenen stucke vor uns unde unse nakomelinge unse ingesegele mit willen unde witschupp an dessen breff gehenget laten, de geven unde schreven ist na Gades bordt Dusent jar, vierhundert, darna in deme veertheynden jare uppe unser leven Vrouwen dach tho Lychtmissen.