LXXI.

2)ie SSttt»e gene ©taten üerfauft tyi ЩЬeЬ ®orf Sofenborf an $erjoa, ЗСbоЭД »on <&фЫгощ für 250 Жап töbiftf. 1441, ШЪи 6.

QF. 152, No. 40.)

Ick Vrouwe Lene Staken, wedewe, wandages Hinrikes Staken eelike husfrouwe, bekenne unde betuge apenbar in dessem breve vor alswem, dat ick na medewetende^ vulbord unde willen der yennen, den des thokomed, unde sunderges negester erven mynes sones Hinrick Staken, rechte unde redelyken hebbe vorkoft unde uppelaten, vor- kope unde late up in kraft desses breves, deme Irluchtigen Forsten unde Hochgeboren Heren, heren Alve, Hertogen tho Sleswick, Greven tho Holsten, Stormaren unde Schou- wenborch, minem gnedigen leven heren, synen erven unde sinen nakomelingen, vor druddehalff hundert lubessche mark penninge, de ick van demsulven minem gnedigen

12»

92

leven heren, in gudem graven sulvergelde, alss binnen Lubeke genge unde geve iss, tho gantzer noege hebbe entfangen, unde vort in mines erschreven soenes nut unde sunderges in de wedderlosinge des hoves unde gudes tho Tralow gekered unde kamen sind, dat halve dorp Dokendorpe, in dem kerspel tho Kurowe des stichtes tho Lubeke belegen, myt allen synen thobehoringen, bewechlick unde unbewechlick, mit aller grundt, droge unde nath, mit lansten, mit allem ackere gebuwet unde ungebuwet, mit holten, busschen, broken, wisschen, weyden unde visscherien, mit dyken, mit stouwingen, alss idt in siner veldtmarcken, enden unde schedingen belegen iss, mit allem rechte unde gerichte, hogesten, middelsten unde sydesten, in halss unde in hand, mit allem egen- dome, mit dem rokhone, mit der hure unde slichtes mit allem upkome, denste, nethe unde plicht, unde mit aller vrygheit, alss ick unde mine erbenomet soene unde unse vorvaren datsulve halve dorp vrigest hebben mochten, nichtes buten thobescheidende. Wellik halve dorp Dokendorpe vorschreven mit synen vorschreven thobehoringen ick, min erbenomed soene Hinrick efte sine erven schollen unde willen deme erbenomeden minem gnedigen heren, sinen erven efte sinen nakomelingen rechte warende wesen« be- schermen unde entfryen, uppe unse eygene kost, arbeyde unde eventure, vor aller an- sprake unde bewernisse eynes jewelken, de vor rechte kamen willen, se sin geistlick ofte werlik. Also sette ick van wegen mines erbenomeden soenes unde siner erven den er benomeden minen gnedigen heren, syne erven unde sine nakomelinge in kraft desses breves in de were unde vredesame besittinge des vorschreven halven dorpes unde siner vorschreven thobehoringe, der thonetende unde thobrukende na erem willen, alss en dat even komed. Jodoch heft min erbenomede gnedige Here my der gnade gegund, dat min erbenomed soene Hinrick Stake ifte sine Erven datsulve halve dorp Dokendorpe mit der thobehoringe vorschreven alle jar in den achtedagen Sunte Mertens vor drudde- halffhundert lubessche mark penninge der vorschreven munthe moge wedderkopen, wan ner se dem erbenomeden minen gnedigen heren, sinen erven efte sinen nakomelingen eyn jar thovoren in den achtedagen sunte Mertens den wedderkoep tho Segeberge wit- liken vorkundigen unde en uppe de vorkundigeden tidt, alse bynnen den achtedagen Sunte Mertens na der vorkundinge erstkomende, ere vorschreven summen penninge, alse druddehalffhundert lubessche marck penninge der vorschreven munthe, yn evnem sum men bynnen Segeberge, bynnen Lubeke, bynnen Oldesloe edder wor in evner van den erbenomeden dreen Steden demsulven minem gnedigen heren, sinen erven efte sinen nakomelingen dat behaget, wol tho dancke bethalen sunder vorthogeringe, argelist edder hulperede. Alle desse vorschreven stucke samtliken unde besundern love ick Vrouwe Lene Staken erbenomed vor my unde vor minen erschreven soene Hinrick Staken, mit minen naschreven medeloveren, synen rechten erven, alss mit den vramen knapen Otten Vimanus unde Eventin Staken, brodere, heren Herdinges Staken kindere, vor uns unde

93

vor unsere erven, dem erbenomeden unsem gnedigen heren Hertogen Alve, sinen erven unde sinen nakomelingen in guden truwen stede, Vaste unde unvorbraken tho holdende sunder alle argh. Unde loven vort tho des erbenomeden unses gnedigen heren, siner erven unde siner nakomelinge truwer hand alle den jennen, de dessen breff hebben mit erem willen, se sin geistlick efte werlick. Tho merer tuchenisse hebbe ick Vrouwe Lene , erbenomed min ingesegell mit den ingesegelen miner medelovere vorschreven witliken hengen laten tho dessem breve. Gegeven na Gadesbordt veertheinhundert jar, darna in dem eynundeveertigesten jare, am dage Sancti Nicolai des hilligen Bisschoppes.

LXXIL

Setlel? t>. S3olwoib »erfauft fein $)orf §8erfow, auf äßtebertauf, bem Älo= flor Zunmt abermale für 1200 M 1442, 9*o». 10.

(F. 135, 2, No. 3�?.)

Ick Detleff van Bokwolde knape, wanhafftich tho der Swynekulen, bekenne unde betuge apenbare in dessem breve vor alle den jennen. de ene seen unde horen lesen, dat ick oldinges, am jare gades dusend veerhunderd unde sos unde twintigesteme, hebbe vorkofft dat dorp Berkow mit aller thobehoringe den geistliken vederen unde heren Carthuseren tho der Arnsboken, unde vicarien unser leven Vrouwen tho Lubeke vor negen hundert marck lubesscher penninge. Jodoch hebben desulven heren unde vedere my unde minen erven der gnade gundt, dat.wy mogen alle jare binnen den achte da- gen Sunthe Martens dat sulve dorp Berkowe, wan uns dat behaged, vor negen hundert marck wedderkopen, alse de breve, daruppe besegelt, klarliken ynneholden. Darna am jare gades dusend veerhundert unde achteundedruttigesteme, hebbe ick datsulve dorp Berkow den geistliken vederen, deme Priori unde Convente des closters tho der Arns boken Carthuser orden baven de negenhimdert marck, hundert marck durer vorkofft, alse de breff, den ick daruppe besegelt hebbe. klarliken inneholdt. Darna am jare gades dusend veerhundert unde twe unde veertigesteme, alse sick dat vorbenomede dorp oek hefft gebeterd, unde de hoven unde gudere an deme lande tho Holsten sint durer wor den tho vorkopende, so was ick des tho rade worden, dat ick datsulve dorpp Berkowe vor dusend marck alse de leste breff ynnehold, wolde wedderkofft hebben, mines vordels darmede thoramende. Doch umme sundergher vruntschop willen, de ick mit den geist liken vederen Carthuseren hebbe, ghunne ick ene dat vorbenomede dorpp tho behol- dende, in der wise, alse hir naschreven steyt. Ick Detleff vorbenomet bekenne unde betuge apenbare, dat ick mit vulbord unde witschopp miner rechten erven vorkofft hebbe unde jegenwardigen vorkope, mit krafft desses breves, den geistliken vedern, deme Priori

94

nnde Convente tho der Arnsboken dat dorp Berkowe mit siner thobehoringe, baven de dusend marck, twe hunderd marck durer, welke twe hundert marck se my tho der noeghe unde tho dancke wol betaled hebben an guden lubesschen schillingen, de ick vord an mine unde miner erven'nut kered unde uthegeven hebbe. Vortmer ick Detleff vorbenomet hebbe overgeven unde jegenwardigen overgheve mit vryem willen, vor my unde mine rechten erven, dat ick unde mine erven bynnen twolff jaren negest tho- komende nicht willen offle schollen den vorbenomeden vedern Carthusern thoseggen, dat dorp Berkowe wedder tho kopende. Wanner over de twelff jare sint vorgaen, so mach ick Detleff vorbenomet, de wyle ick leve, wan mi dat behaged, unde na minem dode mine rechten erven bynnen den achte dagen sunte Mertens datsulve dorpp vor twelff- hunderd marck lubesscher penninge wedderkopen, bynnen Lubeke an enem summen tho- bethalende, sunderghen den wedderkoep vor thovorkundigende den Carthusern uppe unser leven vrouwen dach tho Lichtmissen. Alle desse vorschreven stucke love ick Detleff van Boekwolde, wanhafflich tho der Swynekulen, mit minen rechten erven den geistliken hern unde vederen, deme Priori unde Convente Carthuseren tho der Arnsboken stede unde vast tho holdende yn guden truwen sunder argelist unde hulperede jeniges rechtes. Des tho ener groteren tuchenisse hebbe ick Detleff vorbenomet min Ingesegell vor my unde mine rechten erven mit witscluipp unde willen henget vor dessen breff. Unde wy Detleff van Bokwolde, wanhafftich tho der Redewisch, unde Lemmeke van Bok- wolde, wanhafftich tho Hymminkstorpe, brodere, wente uns alle desse vorschreven stucke witlick sint, hirumme dorch bede willen der geistliken heren unde vederen Carthusern tho der Arnsboken unde Detleves vorbenomet, hebbe wy unse Ingesegele henged vor dessen breff, den wy ock vor unss unde unse Erven mede vulborden: dede geven iss na Gades bord dusend veerhunderd unde tweundeveertigestem jare, an sunte Mertens avende des hilligen Bisschoppes.