LXXIV.

Die ©ruber ©obfc&e unb SSortoíb SSarSbef »erlaufen bem Älofrer %xen& böcf cine ©tauung bet SBora^orfr für 40 ШхЬ 2irenebôf 1448, ШГ) 1.

(F. 47, No. <?3.)

Wy Qodschalk unde Bertold, nomed Barsebeken, bekennen unde betugen apen bare an dessem breve vor alle den gennen, de ene seen edder horen lesen, dat wy mit wolberadenem mode unses unde unser erven redeliken unde rechtliken hebben vorkoft unde vorlaten, unde jegenwardigen vorkopen unde vorlaten in desser schrifft, den geist liken luden, deme Priori unde deme gantzen Convente des Closters tho der Arnsboken, Carthuser Ordens, vor veertich mark lubesscher penninge, de se uns rede bethaled

96

hebben wol tho der noeghe, de Stouwinge by erem Spanbroeke, de se mit unsen willen aldus lange hebben had, dede y s uppe den stucken, dede nedder gaen van der Berkhorst, de nu buwed Laurentius Rolhoef unde Make Wryver, unde wes dar nu bestouwet iss, unde ock dar tho dat me bestouwen kan, wente an den groten steyn, de dar lecht iss tho eyneme thekene. Also dat datsulve kloster mach dersulven stouwinge bruken mit aller thobehoringe, visscherige unde rechticheide na erem willen sunder unse edder unser erven edder unser nakomelingen edder anders jemandes hinder, broeke edder weddersprake, unde beholden uns edder unsen erven edder unsen lansten dar nichtes nicht ane. Men wy vorbeden den unsen, dat se dar nenerleye wyss uppe visschen. Sundergen heft uns dat Closter ghund unde beden, weret, dat wy dar wene uppegrepen, de dar vysschede sunder des Closters willen, dat wy darby deden alse recht is. Desse vorschreven stouwinge wolle wy unde unse erven deme vorschreven Clostere. waren, vryen unde entrichten van aller ansprake alle der ghennen, dede willen vor recht kamen, up unse eghene koste unde arbeyde, wanne wy dar tho esschet werden. Jddoch so hebben desse vorbenomed Prior unde Convent uns unde unsen erven der gnade ghunt. dat wy edder unse erven mogen desse vorbenomeden Stouwinge van em vor veertich mark lubesscher penninge na theyn jaren, alse desse breff schreven unde geven is, wedder kopen, wen wy edder unse erven eme thovoren thoseggen en halft" jar. Unde wan wy eme ere penninge geven hebben, so schollen se noch en volkomende halft jar bruken der stouwinge alse vorschreven is. Vortmer so hebben wy ghund dorch sunderger vruntschop deme Clostere, dat se mogen, wan en des behoeff unde nod is, dat water laten lopen achter uth na der Berkhorst. Alle desse vorschreven stucke love wy Godschalck unde Berteld Barzebeken vorbenomet mit unsen erven den vorschreven geistliken luden Priori unde Convente tho der Arnesboeken an guden truwen, sunder argelist unde hulperede, stede unde vast tho holdende. Unde des tho tuchenisse so hebbe wy unse Ingesegele henget vor dessen breff mit willen unde mit witschopp. Unde wy Henningh Wunre, Hinrick van Sygghem, Keve van Stove, knapen, tho vulkomener tugnisse desser vorschreven stucke, unde dorch bede willen des Closters unde ock der vorbenomeden Godschalkes unde Berteldes Barzebeken, heb ben unse ingesegele mit willen vor dessen breff gehenged, de geven unde schreven is tho der Arnsboken, na Gades bord veertheynhundet jar an deme achte unde veer- thigesten jare, an sunte Philippe unde Jacobi, der hilligen Apostelen Dage.

97